Popular Bible Verses from Marik 13

Share

Suma pet a mba noyôgi woi yam simiyênu, wani sama mi ve tam ad’enga gak dabid’ina, mba mi fe suta.

Agi gologi tagi djiviya, agi kagagi ki ndjola, agi tchenegi mi, kayam agi wagi nga yima bur máma mba mi mba kuana d’i.

Fata azi igi avok suma b’ak zlad’id’a, agi djib’eregi yam vama agi mba duma d’i, wani zla d’a agi mba dat ata yi mamid’a, ti tcholï nata agi d’i, wani ni Muzuk ma bei tchod’a ba na ba, mba mi zud’ugi á de zlad’a.

Akulod’a kandagad’a a mba kal leyo, wani zla manda mba d’i kal lei d’i.

Jesus mi had’azi kua ala: Wani yam mbad’a hi bur máma ki yi mámid’a, sa nga mi we d’i, d’oze malaika suma sä akulona, d’oze an tan Gorâ pî, ni we d’i; wani nAbui Alona tu gid’eng ba, mi we.

Fata agi humugi siwela hayî ma durâ, agi mba humugi zla ayîna ni, ar vunadigagi d’i pat ti, kayam ahle ndazina mbeî a mba le, wani nad’u dabid’a hi duniyad’id’a d’i.

Agi kagagi ki ndjola, kayam agi wagi nga yima sama azina mba mi mba kuana d’i, le mi mba ni vunavuna kla, andjege dangâla kla, ata yima ahle’â mi helâ kla, yorogo tcholol kla. Le mi mba ni atogo dumzi kla ni, ar mi fagi kur sena d’i. Wani vama an nga ni dagizina, an dumî mi suma pet mi, ar agi kagagi ki ndjola.

Kayam andjaf ma dingâ mba mi tchol djangûna kandjaf ma dingâ, leu d’a dinga mba d’i tchol djangûna ki leu d’a dinga, andagad’a mba d’i yir gigidji ata yina teteng, baktarad’a mba d’i nde yam andagad’a teteng mi. Ndak ndata mba d’i le ni d’igi ndak ka vutid’a na.

Mbeî a mba tchi wal Zla d’a Djivid’a woi avok andjaf suma pet tua.

Kayam ablau suma a mba mba ki simiyênu, a mba dala: An ni Mesi. Azi mba vit suma woi ngola.

Wani agiya, agi gologi tagi djiviya. Kayam suma a mba hagi abo suma b’ak zlad’a, a mba togi ki blafâ kur gongîyo mazi suma toka. Agi mba tchologi avok suma te yamba azi kamuleina yam an á le glangâsâ avorozi mi.

Suma ka zlad’a a mba tchol a yi tazi ala azi ni Mesi; suma dingâ a dala azi ni suma djok vun Alona. A mba lahle suma simata kahle suma ndandalâ kayam ladjï lovota nga ni, a mba lop vun suma Alona mi manazina mi.

Jesus mi had’azi kua ala: Wani kur bur máma, bugol ndak ndata, afata mba d’i mbut nduvunda, tilâ mba mi b’o d’uo, tchitchiud’a mba d’i tchugï kä, ahle suma ad’eng suma akulona a mba yir mi.