Popular Bible Verses from Matiye 19

Share

Jesus mi golozi mi dazi ala: Ata suma, ndak kuo; wani Alona mi ndak á lahlena pet.

Kayam ndata, avok hî azi nga ni mbà d’uo d’a, wani azi mbut ni hliu ma tuna. Kayam ndata, ar sana mi wal vama Alona mi zlabama d’i.

Jesus mi hulong dazi ala: Agi ndumugi nga kur mbaktumba hAlonid’a ala: Kad’u tinda ei dei Ma lahlena petna mi ge mandjufâ katchad’a d’uo zu? Alona mi dala: Kayam ndata, sana mba mi ar abum kasumu, mba mi reî kamamba, azi djak a mba mbut ni hliu ma tuna.

Jesus mi dazi ala: Agi aragi gugureina a mbeï gevenu. Ar agi d’elezi d’i, kayam leu d’a akulod’a ni yam suma d’igi azi na na.

Ablau suma avo’â a mba mbut suma danana, ablau suma danana a mba mbut suma avo’â mi.

Nge nge pî ma ar aziyam mbei d’oze b’oziyom suma andjuveina d’oze b’oziyom suma aropma d’oze abum mboze asum mboze groma d’oze asinem mbei yam an na, mba mi fe yam vama lara pî kikis, mba mi fe ari d’a didinda mi.

Jesus mi hulong dum ala: Le ang min ndak memed’u ni, ang i gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï ad’unu.

Jesus mi dum ala: Ni kayam me ba, ang djobon yam vama djivina ge? Ma djivina ni tu go. Wani le ang min kal kur arid’a ni, ang ge yang kä ad’u vun ma hed’a hAlonina.

An nga ni dagi kua: Nafefeta mi djambala á kal kur zul la libirâ, kal la ma ndjondjoîna mi kal kur leud’a hAlonid’a mi.

An nga ni dagiya, le sana mi dik amamba woi ni yam zla d’a mizeuna d’uo mi ve d’a dinga ni, mi le ni mizeuna.

Jesus mi de mi mam suma hata ala: Gagazi, an nga ni dagiya, ad’enga ngola heî ki sama ndjondjoîna á kal kur leu d’a akulod’a.