Popular Bible Verses from Matiye 15

Share

Wani vama ndeï woi avun sanina, mi tcholï ni kurumu, ni vama mbut sana ndjendjed’ina. Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

Vama kal avun sanina nga mi mbud’um ndjendjed’a d’i, wani ni vama ndeï woi avun sanina ba, mi mbud’um ndjendjed’a.

Sum ndazina a nga hun ni ki vunazi hawa, wani huruzi woi dei ki sed’enu. A nga kud’uron ni ki vunazi hawa yak, kayam hat ta azi nga hat ki sumid’a ni gata hi sumid’a.

Ata yi máma, Jesus mi hulong dat ala: Atchad’a, he gagazi maka ngola. Mba le ki sed’ek d’igi ndak min na. Ata yi máma, gorota ti tchol akulo woi kur tugud’ei mata.

Wani ti mba, ti grif kä avoromu, ti dum ala: Salana, ang ndjununu! Jesus mi hulong dat ala: Nga djivid’a á hlavuna hi gugureinina á gum madureina d’i. Wani ti dum ala: Ang de nata yad’u, Salana, hina pî, adurei suma gureina a nga te bubuk avu ma nga mi yak kä ad’u tabulâ hi suliyozinina.