Popular Bible Verses from Isai 45

Share

An mba ni hang ndjondjoî d’a nga ngeid’id’a ki ndjondjoî d’a nga ngei d’a gumunda tala ang wala ni an Ma didina Alona hi Israel-lâ ma mi yang ki simiyêngâ d’a.

An mba ni tit avorongû, an mba ni blas yima djodjohlâ kä woi avorongû, an mba ni kus vun agrek ma a lum ki kawei ma hleunina woyo, an mba ni kus vun agrek ma a lum ki kawei ma wuranina woi ndjondjom mi.

An ni Ma didina, ma ding nga d’i. Alo ma ding nga woi keng vam mbi, ni an tu. An djining ad’enga atang d’igi sana mi djin d’i’â furum na avok bei ang wan ba, kayambala tinï ad’ud’a abo ma yorogona dei gak nde sä woi abo ma fladegena tala suma a wala Alo ma ding nga woi keng vam mbuo d’a. An ni Ma didina, ma ding nga d’i.

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Ma didina mi tin Sirus iram vamu, mi vum kabom ma ndjufâ á tchuk andjaf suma kä woi avoromu, mi tinim á kus yam amuleina, á mal bap ma avun agre’â mbàna woi avorom tala vun agre’â mi hulong duk avorom mbuo d’a. Ma didina mi dum ala

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Yam od’a hazong mana Jakob Israel ma an mana, an yang ki simiyêngû, an hang ngola avok bei ang wan ba.