Popular Bible Verses from Isai 11

Share

Muzu’â hi Ma didinina mba mi kak kamu. Ni Muzuk ma ne ma wad’ud’a, ni Muzuk ma de d’al ma ad’engâ, ni Muzuk ma we ma le mandara Ma didinina mi. Mba mi de zlad’a ni ki mandarâ hi Ma didinina, mba mi ka sariyad’a ni yam ir suma go d’i, mba mi le sunda yam zla d’a de d’a mam humut ki humam hawa go d’a d’i.

Abo aguna mi hud’urï ata abu aguna hi Jesse-na, mba mi d’uvï ata sideyemu.

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

D’ingêra mba d’i mbut ni d’ik ma mam djinim furuma, d’engzenga mba d’i mbut ni d’ik ma mam mba mi djinim ir tchuguluma mi.

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Ngûna mba mi kak bizad’a ni ki gor timina, sindilâ mba mi bur kä ki gor b’ëna, gor amuhlâ ki gor azlona a mba tchuguzi nata yima tuna, gogor ma gorâ mba mi polozi ni mamu.

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.