Popular Bible Verses from Hebre-na 12

Share

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina. Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Ata yima a nga gad’eina, ei golei ni d’igi a lei ni tchod’a na, wani bugola, gat ndata nga d’i mba ki b’leng nga halasa ki tit ta d’ingêra yam suma a ve tazi kurutna.

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Agi djib’eregi yam mam ma ve tam ad’enga abo suma tcho suma a kak djangûna ki sed’ema. Ar agi kawagi d’i, ar tagi tchuk lus suo mi.

Kayam ndata, ei suma kalei kur leu d’a bei gigeta na d’a, ar ei lei mersi mAlona kayam ndata. Ar ei kud’orei Alona ki kud’or ra lum tam djivid’id’a ki mandarâ ki zlaka

Agi vagi tagi ad’enga kur gat ta a nga gad’agi d’igi sana nga mi gat goroma na d’a, kayam gat ndata nga d’i tak kei ala Alona nga mi gad’agi d’igi groma na. Ni gor ma lara ba, abum nga mi gad’am mbuo ge?

kayam Alo meina naku d’a nga d’i ngal ahlena woid’a.

Abuyoi suma kur duniyad’a ka hina, a nga gad’ei ndjö yam vama ndak djivid’a irazina. Wani Alona nga mi gad’ei ni yam djivi meid’a, kayam ei kagei suma bei tchod’a d’igi mam na.

Kayam dur magi ma ki tchod’ina, agi ndjigid’egi nga gak matna d’uo tua.