Popular Bible Verses from Ad’u Tinda 49

Share

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Josef ni d’igi agu ma vut ma nga tchola avun mbiyo ma laud’ina na; abom nga mi ruî gak mi tchila woi yam gulumuna. Suma yet yeûd’a a mba halam ki zlad’a, azi mba dur ki sed’emu.

Wani agu yeû mamba nga ndira woi ad’enga, abom nga ved’a ad’enga, kayam ad’enga hAlo ma sib’ika hi an Jakob-ma, kayam mam mi ma pola, ahina d’a deng tad’a hi an Israel-lîd’a. NAlona hi an abungâ ba, mba mi ndjunungû, Alo ma ad’engêm kal petna, mi b’e vunam kangû, mi b’e vunam kang ki mbiyo ma akulona, mi b’e vunam kang ki mbiyo ma kä ad’u andagad’ina mi, mi b’e vunam kang ki grona ki d’uwarâ mi.

Ni ang Juda ba, b’oziyongâ a mba suburungû. Ang mba tin abong ad’u azik mang suma djangûna. Abung groma a mba grif kä avorongû. Ang Juda gorona, angî d’igi azlo ma azong ma tcholï ata yima nduwandina na. Mi tchuk guguvam mi bur kä; sama mba mi tcholom akulo ni nge ge?

Ruben, angî goron ma ngolâ. Ad’eng man nda avoka, an djogongziya. Ang kal b’oziyongâ ki subura ki sib’ika mi. Angî d’igi mbiyo ma nga mi sulul huhubupma na, wani ang mba kak ma avo’â d’i, kayam ang bur kamanda, ang mbut azang man ma burâ ndjendjed’a.