Popular Bible Verses from Buzuk ka Abud’a 32

Share

Ata yima Israel-lâ a wala Moise yam sä d’i vakulo yam ahinad’a tua na, a tok gen Aron, a dum ala: Ang tchol akulo, ang yoromi alo ma teteng ma mba mi tit avoromina, kayam Moise ma kol ma buzugumi woi kur ambas sa Ezipte-d’ina, ami wami nga vama luma d’i.

Ata yi máma Ma didina mi de mi Moise ala: Ang tchuk aseng kä atogo, kayam mang suma ang buzuguzï woi kur ambas sa Ezipte-d’ina, a b’lak wa. A d’es wa woi atogo zak kur lovot ta an tagazizid’a, a yor wa gor amuhlâ, a grif wa kä avoromu, a hum wa ahle suma ngat buzuna, a dala: Gol alo mei ma pad’eï woi kur ambas sa Ezipte-d’ina ba wana!

Ata yima Aron mi we hina na, mi min yima ngal ahle suma ngat buzuna avok gor amuhl ma a yoroma, mi tchi wala akulo ala: Ndjivin vun til ma he ngola mi Ma didinina mi nga! Tcha ndjivin yorogo tcholol, azi tchol a hahle suma ngat buzu suma ngala kahle suma ngat buzu suma zlap darigïd’a, a kak kä á ted’a, á tched’a. Bugola, a tchol akulo á luna.

Tcha ndjivinda Moise mi de mi Israel-lâ ala: Agi lagi tcho d’a ngola. Ki tchetchemba, an nga ni djak gen Ma didina. Dam mam mba mi humunu, mba mi zlup yam tcho magid’a kla.