Popular Bible Verses from Ma tchi wala 5

Share

Kayam adï d’a ded’a ti mba nata djib’er ra ablaud’a; hina mi na, ang hum dela hi sama lilid’a ni kur zla d’a de d’a ablaud’a mi.

Mba mi djib’er ngola yam kak mam mba yam andagad’a ka hid’a d’i, kayam Alona mi hulongôm humba ki furî d’a kurum krovod’a.

Ata yima ahlena a zul heîna, suma a tazina a zul mi. Ni djiviya me ba, salazina mi fat ke? Mi golozi ni ki iram hawana d’uo zu?

Ar ang le zazak á de zlad’a, d’oze ang he hurung á de zlad’a ablaud’a avok Alona d’i. Kayam Alona mi sä nakulo, angî ka hî yam andagad’a. Kayam ndata, ang zul zla d’a ded’a ablaud’a d’i.

Ang hle vunang mAlona d’uo ni hotei, kal la ang hle vunang d’o ba, ang nga ndak vun vama ang hle vunang kama d’uo d’a.

Ang ar lovota mi vunang á b’lak tang ngi, ar ang davok ma sunda hAlonina ala: An le ni ir vitä d’i. Ni kayam me ba, Alona hurum mi zal yam zla manga mi b’lak sun nda ang lat kabonga woi ge?

An we vama tcho ma kalâ yam andagad’a ka hî. Ni ndjondjoî d’a salatna nga mi togot yam vama mba mi mba kam avinid’a.

Wana ni vama tcho ma kalâ d’ei: Mba mi i ni abom hawa d’igi mi mbeï na, mba mi fe ni djiviya me yam sun nda mam kau tam kat hawa hina yaka ge?