Popular Bible Verses from 2 Sunda Hamuleinid’a 20

Share

Mi de ki delem akulo ala: Agi suma Juda-na, agi suma Jerusalem-ma ki ang tang amulâ Josafat, agi humugiya! Ma didina mi dala: Agi lagi mandar ri, ar vun adigagi pat abo azigar suma mimiyâk ndazina d’i! Ni agi ba, mba durugi d’i, wani ni an Alo magina ba, mba ni dur ayîna kagiya.

Ni agi ba, mba durugi ayîna d’i. Agi minigi tagiya, agi i tchologi hina en, agi mba wagi sut ta an mba ni sud’ugid’a. Agi suma Juda-na ki suma Jerusalem-ma, agi lagi mandar ri, ar tagi tchuk lus suo mi! Ndjivin agi i ngavaziya, an mba ni i ki sed’egi mi!

Salad’a Alo mamina, ang ka sariyad’a kazi d’uo zu? Kayam ami nga kad’enga avok azigar suma mimiyâk suma a djï atami durâ wana d’i, ami wami nga vama ami luma d’i. Wani ami tinimi irami ni kang angû.

Bugola, mi ndjak vunam ki suma, mi tin suma hle sawal suma a tchuk ahle suma djif suma a tinizi irazi vazina atazi a nga tit avok azigarâ á gile Ma didina ala: Agi gilegi Ma didina, kayam o mamba nga d’i dap pi!

Ata yima azi tin ad’ud’a á hle sawala á gile Ma didinina, Ma didina mi sunï suma á bur suma Amon-na ki suma Mowap-ma ki suma a tcholï yam ahina d’a Seir-ra suma a mba ata suma Juda-na á durîna kä, a tchaziya.

Josafat mi mbut mandarâ, mi nga hurum á djop Ma didina, mi he vuna mi suma Juda-na pet ala a d’el tazi bei te tena.

Le ndaka mba kamiya, nala, durâ d’oze ngopa d’oze tugud’ei d’a tcho d’a tchi matna d’oze baktarad’a ni, ami mba tcholomi avorong avun gong nga wanda kayam simiyêng mi nga kur gong ndata, ami mba yang á ndjunumi kur ndak mamid’a. Ang mba humumiya, ang mba sud’umi woi mi.

Ndjivin agi igi atazi durâ, azi nga mbeï ki lovot ta yam ahina d’a Sis-sa, agi i ngavazi avun hor ra avun ful ma Jeruwel-lîd’a.

Suma Juda-na a tcholï kur azì ma nglo ma Juda-na teteng, a togï á tchen Ma didina ala mi ndjunuziya.