Popular Bible Verses from 1 Pierre 3

Share

wani agi hugi Christ ngola kurugi ala mam mi Salagina. Agi minigi tagi teteu á hulongôgi zla d’a ded’a mi suma a nga djobogi yam vama agi tinigi hurugi kama, wani agi dagizi ni ki lulumad’a ki ge yam mba kä d’a. Agi kagagi ki djib’er ra djivid’a kurugiya, kayam suma a nga de zla d’a tchod’a kagi yam tit magi d’a djivid’a yam Christ-sina, zulona mi laziya.

Kayam Ma didina iram nga tinda yam suma d’ingêrâ, nga mi hum tchen mazid’a mi. Wani mi nga mi mbut azigam mi suma le tchod’a.

Ar agi halagi djif ma woi abu pid’a’â á ge yamba ki hed’eu ma ngal wiwili’â d’oze baru ma djif ma kalâ d’i. Wani djif magina ni kurugi krovo, ni djif ma bei b’laka, nala, lulumad’a ki tchugota; ni vama guzum kal tegles avok Alonina.

D’igi mbaktumba hAlonid’a ti de na ala: Sama min kak ki iram bei matna á we bur ma djivinina, ar mi d’el sinam á de zla d’a tchod’a, ar mi d’el vunam á lop suma mi. Ar mi wal lei ki tchod’a, mi le ni djivid’a. Mi hal b’leng nga halasa, mi tit blogot mi.

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a. Agi hulongôgi tchod’a kayam tchod’a d’i, ar agi hulongôgi ngula yam ngula d’uo mi. Wani agi b’agi ni vuna kaziya, kayam ata yima Alona yagina, mi hle vunam ala mam mba mi b’e vunam kagiya.

Le tagi nga lagi zlezleû á le djivid’a ni, ni nge ba, mba mi lagi tchod’a ge?

Ar mi wal lei ki tchod’a, mi le ni djivid’a. Mi hal b’leng nga halasa, mi tit blogot mi.

Djivid’a, le agi nga fagi ndaka yam sun nda djivid’a ni, ndata ni minda hAlonid’a, kal la agi fagi ndaka yam tchod’id’a.