Popular Bible Verses from Salmos 65

Share

¡Naka vii naka va'a kúu ñayii ni kaji maa ni te ki'in ni ji'in i ja koo ni ji'in i ve'e nuu iyo ni ma! Sa'a ni ja jin ni'i sa ndaka ja vii ja va'a iyo veñu'u ii ni ma.

Maa ni chi vivii wa'a ni ndaka ja vii ja va'a neva'a ni a nuu ñayii a nii kuiya. Te sa'a ni ja vivii ndúu viko ma, sani te kúun savi ma, te nii nuu ñu'ú ya kénda ndaka ja va'a wa'a ni ma.

Su'si maa sa, maa ni kúu iya ka kukanu ini ndaka ñayii ni‑ka'nu ñuu ñayivi a, te maa ni kúu iya sa'a ja jin kaku sa nuu ja u'vi ma, te ni masu ndi'i jin ndaka'an jin ndakachi sa ndaka sukan sa'a ndaa sa'a ndija ni a ja jin kuu sa ma. Onde ñayii ka iyo yu'u mar ma, ja jika xeen ka iyo i ma, ka kukanu ini ña'a i maa ni, vi Su'si.

Chi vaa maa ni chi ni sakanu ini ña'a ni ndaka ja u'vi ni ka yo sa'a, ni ka yo kuu sa ma, vaa ni yo kundee maa ja u'vi ma ni yo tatnuni i nuu sa ma.