Popular Bible Verses from Salmos 42

Share

Kovaa ni ndachu'un xeen ini sa, te ka'án sa: ¿Te naku ko kuxii ini o, te ko ndakani ini o? Su'va kúkanu ini o Su'si ma, te ndáchiñu'u o ya, vaa maa ya kúu Su'si o, vaa maa ya sa'a ja kaku o nuu ja u'vi ma.

Sukan kúu yu'u isu ma, ja yichi xen‑xeen ti ma te ndánduku ti in yute ja ko'o ti ndute ma, sukan ndánduku ña'a ini anua sa a maa ni, vi Su'si. Ini anua sa a chi sukan kúu sa ora yichi sa ma, sukan jiniñu'u i Su'si iya téku ma. ¿Na kivi sana kuu ki'in sa ja koo sa nuu Su'si ma ini ve'e ya ma?

Te jani ini sa, ¿te naku ko kuxii ini o, te ko ndakani ini o? Su'va kúkanu ini o Su'si ma, te ndáchiñu'u o ya, vaa maa ya kúu Su'si o, vaa maa ya sa'a ja kaku o nuu ja u'vi ma.

Nduu ñuu ni yo nda'yu, ni yo nda'yu sa, nani ka ka'an ndeva'a i nuu sa ma: “¿Ndenu iyo Su'si ni ma, ja jito ña'a ya?”, ka kuu i ka ka'an i.

Su'si maa sa, ûni ndí ini xeen sa, te chukan kúu ja ndeva'a‑ni ndenu iyo sa ma, te ndáka'án ña'a sa, visi onde ñu'ú Jordán ma, xi onde yuku nani Hermón ma, xi onde yuku nani Mizar ma.