Popular Bible Verses from Salmos 40

Share

Ni kaa kuee ini sa, te ni yo ndetu sa ja ni jikan‑ta'vi sa nuu Iya Tátnuni ma. Te maa ya chi ni jakindeyi ñukuun‑ka ya, te ni yo niniso'o ya ja ká'an nda'vi ká'an kee sa nuu ya ma ja kána sa ya ma. Te ni ndatava ña'a ya soko nuu ñunee sa ma, nuu ñu'u nde'yu ka'va ma, nuu ñu'u tnaa ma, nuu ñatuu ní'i ini‑ka sa nawa sa'a sa ma. Te ni ndasunkani ña'a ya siki toto ma, te ni ndaskaka ya ja'a sa a ichi va'a ma, sukan‑va'a ma ndêe‑ka tuku sa.

Te ni sa'a ya ja ni ndusii ini sa, te ni keja'a sa jita sa in yaa jaa, te ndáchiñu'u sa Su'si o a. Te nuna jin kuni kua'a ñayii ma sukan sa'a sukan kúu sa a, te jin koyu'u i Su'si ma, te masu jin ko sa'a‑ka i ja u'vi ma, te jin kukanu ini tna i Iya Tátnuni a.

Vava'a kendoo ñayii ni kukanu ini Iya Tátnuni ma te ñatuu nde'ya i ñayii inuso'o ka ndaa ma, ja ka xndoo i ichi Su'si ma te ka ndachiñu'u i ja masu Su'si ka kuu ma.

Te játna ini sa ja sa'a sa sukan kúni maa ni, vi Su'si maa sa, vaa ini anua sa a ñunee tnu'u ni kaxtnu'u ni ma.

Su'si, sukan kúnda'vi ini ña'a ni a, ji'in sukan kútoo ña'a ni a, ji'in sukan ká'an tnu'u ndaa tnu'u ndija ni a, te ko koto va'a ña'a ni ni‑kani ni‑jika.