Popular Bible Verses from Salmos 141

Share

Su'si Iya Tátnuni, jikan‑ta'vi sa nuu ni ja kasi ndee kasi ndoso ni yu'u sa ya, te máko ndakune sa yu'u sa a te ko ka'an sa in ja masu kuatniñu.

Te máko kua'a ni tnu'u ja ko kani ini sa ja u'vi ma, te ni a máko kua'a ni tnu'u ja ko sa'a sa ja u'vi te kuiso kuechi sa nuu ni, ni a ko ketna'a ini sa ji'in ñayii ka sa'a ja u'vi ma te ko kaa sii ini sa ji'in i xita nuu ka ndatna'a i ja ka jaa i xita ma, vi Su'si.

Su'si Iya Tátnuni, maa ni ndákune'e sa. Koniniso'o ni ora na kakan‑ta'vi sa ma, te kii kunu tna ni, ki chindee ña'a ni. Te ndaka ja jikan‑ta'vi sa ma na kenda onde nuu iyo ni a sukan kénda xiko ja jáxiko asi ka ndataa ñayii ma. Te kó kuu ja ndóne'e sa nda'a sa ya ora jikan‑ta'vi sa ma nuu ni ma, sukan kúu ja va'a ka ndataa ñayii ma ora jañini ma.