Popular Bible Verses from Salmos 119

Share

Vaa tnu'u káxtnu'u ni nuu sa a chi vivii xtnuu i nuu ja'a sa a, kuenda tnu'u ja in ñu'u ndu'va, te xtnuu i ichi jika sa ya.

Ini anua sa ya táva'a va'a sa ndaka tnu'u ká'an tnu'u káchi ni nuu sa a, sukan‑va'a ma ko sa'a sa ja u'vi te ko kuiso kuechi sa nuu maa ni, vi Su'si.

¿Naxe sa'a suchi jaa ma ja koo vii koo va'a i nuu ni ma, Su'si? Jiniñu'u ja ko sa'a ko kuu i ndaka sukan ká'an tnu'u maa ni a, vi Su'si.

¡Naka vii naka va'a ka kuu ñayii ni‑yu'u ni‑ini i ka ndanduku i ja jin sa'a i sukan tátnuni Su'si ma, chi jin koo va'a i nuu ya!

Nuu kuu chu'u sa te kaku sa nuu ja u'vi ma kúu nuu maa ni a, vi Su'si, vaa kúkanu ini sa sukan ká'an tnu'u maa ni a.

Taa ni janitnuni va'a, sukan‑va'a ni‑yu'u ni‑ini sa kátanuu sa tnu'u tátnuni ni ma te kó sa'a sa sukan kúni ni ma.

Sa'a ni ja ini anua sa ya, te kó ndi ini i ja ko sa'a i sukan tátnuni ni ma, te máko kua'a ni tnu'u ja ko ndiyo ini sa nawa iyo ñuu ñayivi a.

Ja vava'a kúu ja ni xndo'o, ni xneni ña'a ni ma, vaa sukan, te ni jaku'ni ini sa sukan ká'an tnu'u tátnuni ni ma.

Vaa ora kúxii kúnda'vi ini sa ma, te jiniso'o sa tnu'u ká'an ni ma, ja suu i sa'a ja koteku sa ma, te ndáni'i sa tnu'u kanu ini.

Te skaka ña'a ni ichi va'a ma ichi nuu kuu jaku'ni ini sa sukan kúni ni ja ko sa'a ko kuu sa ma, vaa ja kúu ini sa kúu ja ko sa'a sa ndaka sukan tátnuni ni ma.

Su'si Iya Tátnuni, sa'a ni ja jaku'ni ini sa sukan tátnuni ni ma te kó sa'a kó kuu sa ndaka kivi koteku sa ma.

Vaa ûni ndátnana ini anua sa ya, jini sa ja kúxii ini sa, vi Su'si. Sa'a ni ja na ndani'i sa tnu'u ndee tnu'u ndatnu sukan ká'an tnu'u maa ni a.

Ûni kútoo xeen sa tnu'u tátnuni ni a, te nii nduu ma ndákani ndáka'vi ini sa sukan ká'an ni ma.