Popular Bible Verses from APOCALIPSIS 14

Share

Tuhme chihneván a̱ma ndudo che chica vahchetero che ra̱hn ri u: ―Codiron tuhca̱: “A̱ma ndah ro yahn tena̱hn che chitahno ye Dihvo vo Jesucristo cuahn che chahtenan ye iyehnse.” Namin codiron ndudo cuh che ra̱hn Vaco Ndah yahn Dendiohs: “Ma̱n ne, cuahte tuhno ye, a quenan na̱n che din ye ntiyon yahn Dendiohs, chahtenan ye iyehnse. Nducote runeca̱de chahtenan ye min ne, ma̱n ne, a̱ma ndah ro yahn ye.”

Chemin che ihyan yahn Dendiohs, ihyan chahn che renevahnecun ye vederihquentiyan yahn ye ma̱n, riquendi ritahno ye Dihvo vo Jesucristo ma̱n ne, nahn che cuahtenan cuma ye vedechahtino.

Ra̱hn ángel me numa dito ye: ―Cuenevahnecun nchuhn Dendiohs, ihyan min che dendah ye na̱n ro ma̱n, iyehnse ma̱n, nuniya̱hn ma̱n, va̱co nune ma̱n. Cuendeva ne yavena̱n ye, te a nda̱ ro che techeca̱de ye.

Quenda̱h yahn ta̱ma ángel na̱n che chi ino ye, ne a̱ma dito ra̱hn ye: ―Ihyan che ndeva ye yavena̱n ite ta̱n che ndina̱n me ma̱n, che ndeva ye yavena̱n che nta̱ve ye che conan menun te ma̱n, che cuahnecun ye che conan ca̱de yahn te ta̱h ye o chata ye ma̱n ne, numacuahn vedeta̱n din Dendiohs castigo ihyan, cuahtenun ye va̱n ruchiya̱hn che riche nduco azufre. Na̱n Dihvo vo Jesucristo, ihyan min che chih ye nduhca̱ a̱ma itecuche lihn che chi te vedino ma̱n, na̱n ángel yahn Dendiohs ma̱n ne, va che co ihyan chahn castigo yah. Cuahn da̱ma cuahtenun ye min va̱n ruchiya̱hn, chuhrihn ye nde ro nde ra̱hn.

Chihno min ne, ndihcheró Dihvo vo Jesucristo, ihyan min che chih ye nduhca̱ a̱ma itecuche lihn che chi te vedino na̱n Dendiohs, nti ye tingüete che duche Sion, ne nduco ye ihyan che a̱ma ciento quenan o raco cun mil chahn che chenan ca̱de chata ye che duche Dihvo vo ma̱n, Chido vo Dendiohs ma̱n.

Chihno min ne, ndihcheró a̱ma ángel che quechica ye deva̱n yuhne menda̱hn na̱n ro, nda ye vederihquentiyon che cuahndudo ye Ndudo Ndah yahn Dihvo vo Jesucristo, cahnevan nducoya̱ca ihyan iyehnse, queri a̱ma nación ma̱n, nda̱ta yahn ye ma̱n, deva̱co yahn ye ma̱n.

Tuhme quenda̱h yahn ta̱ma ángel, ne ra̱hn ye: ―Ihyan ya̱n Babilonia che a̱ma chi na̱n chi chahte ne, a denda ye. Ihyan chahn ne, ndere chahtechica ye, chahtendihco ye nunde, nde tihyon yune ye ihyan numachahte iyehnse che dama chi ye nduco ye. Ate ma̱n ne, a denda ye.