Popular Bible Verses from APOCALIPSIS 11

Share

Cuahn che tive ta̱ma ángel na̱n che a chi ndache ye ne, chihneván che a̱ma yudo chenun ndudo yahn a̱ma ya̱hn ihyan vahchetero che ra̱hn tuhca̱: Nducuahn vederihquentiyon che va iyehnse ne, a ndonda̱ ta̱h Dihvo vo Dendiohs ma̱n, Dihvo vo Jesucristo, ihyan min che dechuh ye, ndedevahn ye ihyan iyehnse ma̱n. Dihvo vo Dendiohs ca̱hcantiyon ye numacuahn ro.

Chi ta̱n ihyan iyehnse, ate a nda̱ ro che cuhnde ca̱de yahn nducoya̱ca ye ma̱n, tena̱hn man, din ne castigo ihyan che hua ri rendihche ye ndih ma̱n, decuihno ne ihyan che redetohnan ye iyehnse ma̱n. A nda̱ ro che ndeva ne ihyan profeta yahn ne ma̱n, nducoya̱ca ihyan yahn ne, a chahte o hua chahte vederihquentiyon chenan cuma ye ma̱n.

Cuedevene te dechúh o ihyan che chenun ye tino cuan, cuahndudo ye ndudo yáhn chete che a̱ma mil quendudo o ciento ino raco ro.

Ate cuihno ino ro quenan ma̱hn ne, ndedetuhche Dendiohs ihyan, ne nducoya̱ca ihyan che ndihchero ye ne, a̱ma dihya ye co.

Cuahtenan cuma ihyan chahn vederihquentiyon ca̱va che din ye che hua cuan co numanahn che cuahndudo ye ma̱n, che din ye che nune ne, ndaconda̱ yun ma̱n, che din ye che cuhnde nducuahn na̱n vedeyah iyehnse adehno ura che nahn ye ma̱n.

Na̱n Ndudo yahn Dendiohs na̱n che ndirun yahn o ya̱hn olivo ma̱n, o candelero ma̱n, che vatendi na̱n Dendiohs, ihyan min che rihquentiyon ye iyehnse ne, checadinó te chemin ne, a yahn ihyan che o chahn che cuahndudo ye ndudo yahn Dendiohs. Ndete che vate ihyan che nahn din ta̱n ye nduco ihyan chahn ne, quenda̱h ruchiya̱hn chende ye, ne cuihno cuco ye. Nducoya̱ca ihyan che din ta̱n ye nduco ihyan chahn ne, va che coh ye.