Popular Bible Verses from SAN MARCOS 14

Share

Ra̱hn ye: ―Chida má̱n, ndih ne, ri redin ne nducuahn che nahn ne. Cuahnecun ne che hua chuhríhn nduhca̱ che a va ca̱de. Chemin che ricá ndih, ate hua co nduhca̱ che náhn, co nduhca̱ che nahn ma̱n ne.

Cuahtenduche nchuhn ma̱n, cova̱h ne ma̱n, ca̱va che hua dinahn ne che tumarande chundah nchuhn. Ndiyu che rahcota̱hn ne yáhn, ate anduhneca̱ ndete che ndi i ne.

Cua̱co rá̱hn rí nchuhn te numachahte iyehnse che cuahndudo ihyan ndudo ndah yahn Dendiohs ne, ntihyon ya̱n ye nduhca̱ che din ihyan nda̱hta tih nducó.

Ra̱hn ye ri ye ihyan chahn: ―Adeche cóh che a̱ma nda̱che rí. Cuahtenan rino nchuhn muhn, cuahtenduche ne.

Numanahn che reh vino ihyan chahn ne, cheta̱h Dihvo vo pa̱n, ne neca̱h ye nundihve cuahn Dendiohs. Tuhme ndeh ye, ca̱h ye, cheh ihyan chahn, ne ra̱hn ye ri ye ihyan: ―Cocheh nchuhn pa̱n cuh. Chu ne, yute yáhn.

Namin cheta̱h ye a̱ma va̱so vino, ne cuahn che a neca̱h tun ye nundihve cuahn Dendiohs ne, ca̱h ye, chih nducoya̱ca ihyan chahn, ne ra̱hn ye ri ye ihyan: ―Chu ne, yun yáhn. Chu che dito yahn ndudo ra che nda̱hco ca̱de Dendiohs. Ma̱n ne, va che cora ca̱va a̱ma ya̱hn ihyan.

Tuhme ra̱hn Dihvo vo ri ye ihyan apóstol yahn ye: ―Ma̱n vino cuh ne, ca̱hcoma̱n nducoya̱ca nchuhn u nduhca̱ che a ndirun na̱n Ndudo yahn Dendiohs tuhca̱: “Cuahnecun Dendiohs che ca̱hno se ihyan che redin cuda̱do itecuche, ne cuihno cotuhn te.”

A cochi sa̱hn che ndihcue ndeh se u. Cuenecuan nchuhn, quendi yuno vo sa̱hn.

Ra̱hn Dihvo vo ri ye ihyan: ―Cua̱co rá̱hn rí di te ma̱n ya̱n cuh ne, numanahn che metah cuah o co tuh ne, a ino yune cahme che hua rendihche u.