Popular Bible Verses from Idi Ufa 142

Share

Oo Yaawee anee dadaaqianneera aaraidaqa. Anee Yaaweefa qini itita qimaqee marianafa mariananoo. Maa maqanasaa mariranaki maridaqa aniara kai ridaqa.

Qini teerookinaana iduku qisainaqa ani faiqí anaasee suqiranaki ani amooqianaura. Anee qini amiqimma qimaqaannanara ani amooqianaura.

Qinee minnisara runanoo qinee andeeqasee qianna ainnainnara mifa iridanoo. Qinee fimarunna aannanasaa qini namuqaa qini qimaara kukeeqasee ufaana fufidaqa.

Qinee dadaaqianifeera Yaaweena aaraidaqa. Qinee qiki raqaidaqa minara innaaru qidaqa.

Oo Yaawee qinee dadaaqianneera qiki raqee marunnana iria. Manda ummaara fannoo qini nammariara foora ukuqnama saifaqa kuqiraridaqa. Qini namuqaa kaaqa afeeka faqaasa marianara qini misa nisaukukinaana mara kaqinni quqaqisaa.