Popular Bible Verses from Idi Ufa 107

Share

Yaaweefa andeeqarafa marinara mina dufi dufi qima amaqaaqa. Mifa maasara amuqusirafa naaru naaru marifa maridanoo.

Mifa narí ufannai misa aurirana taikannimaqanau. Mifa madika afaisaaqaraana uqeereeqee kaqini quqannisanau.

Miqi marisa Yaaweena sia taikaaninna amuqusiranara dufi dufi qimamaqaaqa. Mifa faiqí sia auqaqaaira ainaina dadaaqinoo auqoonara faqa dufi dufi qimamaqaaqa. Mifa nammariara nidimarisa amanaikamma nimaqaseenoo naararee marisa amiqira nara ainainannai nimuaqumma nimaqainara dufi dufi qimamaqaaqa.

Misa miqiqa maridaqa nári aupuraranakiqari Yaaweena aaramasaidaqa innaaru qimariqau. Miqi qimarufanoo Yaaweefa nariqa aupuraranakinaana uqeereeqeenoo amiqiraqoo quqannisanau. Yaaweefa amakauriranara qaoo qufanoo daimafinau. Firaa amakaura rirafa taikafufanoo reendeeninau.

Misa nariqa ummaaraki maridaqa Yaaweena aaraqau. Aaroofanoo mifa iriseenoo misa ummaarakinaana mareeqeenoo amiqira qoo uqannisanau.

Misa miqiqa maridaqa nári aupuraranakiqari Yaaweena aaramasaidaqa innaaru qimariqau. Miqi qimarufanoo Yaaweefa nariqa aupuraranakinaana uqeereeqee amiqiraqoo quqannisanau.

Misa mi aupuraranaki maridaqa misa quandafiqa Yaaweena aaroofanoo misa aupurarana kinaana uqeerannisanau.