Popular Bible Verses from Idi Ufa 103

Share

Oo qini maraquna, Yaaweena amooqia. Mifa paapaa qida qimimarinara sia qaunua.

Mifa aiqama qini aaqarana akiiqara minni qisee marifa maridanoo. Mifa qini aurirana aiqama taikaqisee marifa maridanoo. Yaaweefa qini madikakinaana uqeera qiseemarifa maridanoo. Mifa amuqusiranannai faqa narí qimudaoo qiranannai faqa qini amiqi amiqimma qimaqaidanoo. Yaaweefa qini mariranaki amiqira ainainannai qumbiqa qimaqaidanoo. Miqimmasaina qini marirafa aneesara foora fuka qisausi kambiqafinaqa kumaaraara foora kafaa marianaura. (Dafidifa quqaumuara qifaqa maasa ufa sia miqinoo marifaqa aneesara kai qiqa.)

Oo qini qimana, Yaaweena amooqia. Qini daunduraki marianna aiqama ainainafa Yaaweena amooqia.

Faiqi nikausa faiqiara firaaqoo nimuqusidaqa. Miqikai inoo Yaaweefa nariara rufiee mariasara firaaqoo amuqusidanoo.

Suani ururee marina faqa keeqee marina faqa nianasaa marifanoo mina amanasaa Yaaweefa maasa mandainaina mara aqu qisaidanoo.

Yaaweefa qimudaoo qirana faqa amuqusirana faqa faqaafa maridanoo. Mifa sia kai kaqi aanooqidanoo. Mina naaru marira amuqusirafa firaafa qumbiqanoo maridanoo.

Mifa sia maasa aaqarana amana kai daridanoo, oorudupimasee daridanoo. Sia maasa aaqarana akiiqara mina amana kai daridanoo, ureeqasee darinoo. Maqasaaqari innaarunai kisaaqasaa marina amana kai Yaaweefa narí amuqsirana nariara rufiee mariasa nimidanoo.

Yaaweefa narí rakisi nimaqara qaari innaarunai quqaqaifanoo afeekaikinoo maridanoo. Mifa aiqama maqannaasa uriqararafa maridanoo.