Popular Bible Verses from Aaquqira Ufa 22

Share

Faiqi aanaaqisaa amiqira aana aamuaqinanoo mifa faiqí firaanaikinoo mimau kai fuani.

Yaaweena ufa mau fidana aneenna mara maree quminana moomoo qumiasana munnimma faqa uriqarara auqu maraseenana kisaaqasaa marinnaranoo.

Andeeqara auqu amirafa moomoo ainaina faqa munnimma faqa uriqararafa maridanoo. Siruaa faqa koora faqa ureeqarafa maridanoo.

Anee sia qusufa qimasee kai kaqi aanoo qimari fasiqana aqoondikia.

Afaarinana aneenna narana kudi fasiqauqa naiad nimia. Miqinana anee amiqi amiqirana mareennaranoo.

Irirana faqaafa moo ummaara anifanoo qafeenoo amaanaidanoo. Irirana siaifa kaqi minaki fidanoo mi ummaarana maraidanoo.

Kudi fasiqa fannoo ainaina faqaana ainainira faiqi maridanoo. Dinnaa munnimma maree marifa munnimma nimi marina ainainira faiqi maridanoo.

Ainaina faqaafa faqa kudi faqa amanaqarakai maridaqa. Yaweefa miqanda auqu quqanau.

Sia kudi fasiqeee qimasee mina ainaina kaqi maraa. Sia kootaki mina rafaaqafua. Yaaweefa kudi fasiqa dadaaqinoo misa ufa iriannoo. Misa mandaikamma nimaqainausa nariqa faqa mandaikamma nimaqaannoo.