Popular Bible Verses from Aaquqira Ufa 15

Share

Reedeenira ufa aminanoo aanooqirafa taikaani. Raiqara ufa fannoo aanooqirana uqeeree marifa maridanoo.

Yaaweenara qeerairirafa amiqira irirana ani amiannoo. Reendeenira oosana naaree maraseenana inaaqianna uriqarafaikinnaranoo.

Nifaaqa amiqianifee ufafa marirana nimidanoo. Aanoo qimaria nifaurufa faiqí naunduraindaraana narimarifa maridanoo.

Anee moo ainaina auqararee qimasee aakapara ufa marasee auqainanoo anoona kambiqeenoo andeeqaannoo. Aakapara ufa mau sia finana sia mina anoona paqurinnaranoo.

Faiqí anaasee asasiafanoo noori inaa inaa idanoo. Nimuqusa ummaara raifanoo nifaaqa faqa rumbaidanoo.

Yaaweefa aiqamai kambiqee mari ainainna qafaidanoo. Maasa andeeqara ainainee mandainainee auqaunanoo mifa maasasaa afu rusisee maridanoo.

Kudi fasiqa maridana Yaaweenara aaquqee marinana marinafa moomoo qumiasana narí ummaara namu faqa uraaqarana marinnaranoo.

Qusufa qimasee aanoo qimari fasiqafa aanoo qirana uqeeraidanoo. Reendeenimari fasiqafa asooarana nimidanoo.

Andeeqara oosana maree mariasa moona ufa iriseeqa andeeqara ufara oonu mafi iriseeqa narí qimamidaqa. Manda oosana maree mariasa moona ufa iriseeqa kai kaqi narí qimamidaqa ummaara uqeeridaqa.