Popular Bible Verses from Mareekoo 6

Share

Qimamimarufaqa faiqí anaasee moomoosa aniree qumbiqafunara narana narafa sia amanaikufanoo Yisufa narí faiqi namu maaqi qimasee qimanniminau. Aniaqa innisaimbaqa faiqí sia mariannai oonuree idooaaqa. Miqi qimaseenoo narí faiqi namufaqa nammari afainni ooquree kanuqaki akaramafufaqa nammari amuaqumau fiqau.

Yisufa mina iriseenoo maaqi qimasee qimanniminau. Tamummaqara fasiqa moo fannoo maqusa maqusa fidanoo qimanniminaqa misa iriseeqa mina ufara kuqaa fee qifaranoo narí maqannaasa faqa narí ainaina faqa narí moodaa fasiqa anaasee faiqi faqa mina ufa siamma irifaranoo.

Yisufa kanuqakiqari maqasaa aqufinoo faiqí anaasee moomoo nindafamasoofanoo firaaqoo amuqusufanoo qinau. Oo maaqoo mariasa sipsipa aandaurafoora rakisirafa siaisa mariafanoo fee qimaseenoo Anutuna ufa oosana oosana ainainara qimanniminau.

Yisufa narí maqannaasara miqimmidammia maqi qimasee sia amana moo fasiqa anaasee mandaikirausa andeeqannimaqararee qinau. Qaaramoo aurusasaa kai asauku quqasoofaqa findifiqau. Narí maqannaasa nári irirana sia minasaa mundunara irisee firaaqoo tautinau. Yisufa miqoo narí maqusai Nasareeteendari dinni dinni fiqu fiqumma marusa misa qimannimimarinau.

Ooqu marifufanoo Yisufa mi moodaannai qisauku feemuna qumaree noodaannaqara faqa qumaree sandaaqai oori uqeerasee Anutunara dufi dufi qimaseenoo mi feemuna ruqi ruqi mandeenoo narí faiqi namu nisaukuki quqasoofaqa faiqí anaasee ooqu mariranakiaqa nimi maree fimariqau. Yisufa miqikai inoo noodaanna faqa ruqi ruqi mannimufaqa mina faqa nimi maree fufaqa noofanoo nimuaqufaqa akaqana kaqi quqaqau. Yisuna faiqi namu mina ataraasa qumaree qisaukuqara taikasee qikunni ooqu qaara marasee uqa qumbiqaqau.