Popular Bible Verses from Rafudoo Akarafa 20

Share

Qinee Yaaweesa inni Anutusa maridaqa. Qinee Isipa maqasaa rumbaranaki maruna inni mareeqee mai quqaafanausa maridaqa. Innee sia moo anutuna amooqiaqa, qini kai qimooqiaqa.

Innee sia innaarunai mari ainainausa faqa maqasaa mari ainainausa faqa nammariki mari ainainausa faqa nimana auqusee maasa anutufee qiaqa. Minara sia moo ainaina amana auqirana oorinni mapamufida innaaru qidaqa amooqiaqa. Qinee Yaaweesa inni Anutusa marunnanara sia mi ainainausa nimooqiaqa. Qinee sia uqanna moo anutunara qiananoo qini qimaaqa maqaannoo. Faiqí qiniara fidiaqaa inausa aupurarana nimiananoo misasaa faqa misa faiqi namu saa faqa misa ninaiqimara saa faqa nisaifaqausa saa faqa mariannoo.

Inneeqa ninausa nikausara qeerairidaqa misa ufa qaindusuaqa. Innee miqiqa qinee nimianna maqanasaa kisaaqasaa marifaranoo.

Innee Sabata faasaanara naaquqara faasaanee qimasee iriqa fuaqa.

Innee sia qini duqunnai manda oosana auqaaqa. Qinee Yaaweesa inni Anutusa qini duqa fifau faafau inausa aupurarana nimianaura.

Dinni taikasee dinni ani moodaa marasee 6 faasaana inni ainainira faasaana mariani. Dinni ani qaara marasee 7 faasaanasaa qini Yaaweesa adooara faasaana maridanoo. Mi faasaannasaa sia uqanna moodaafa faqa ainainiani. Innee faqa inni faiqi namu faqa inni ainainira faiqiuqa faqa inni aandauqa faqa aanaamuru inniki ani mariasa faqa sia uqanna ainainiaqa.

Sia moona maaqa umiasanara amuqusiani. Sia moona aanaaqara amukaani mina ainainira fasiqa anaaseera faqa misa aandau ainainara faqa mina aiqama ainainara faqa sia amukaani.

Innee sia akaqausara unna qimasee misa kikiqa ususee ufa nimia.

Innee faiqí anaasee sia narí ummuari narí umuariaqa.

Innee sia faiqí anaasee nuqu qimasee naruaqa.

Innee sia moona ainaina umuariaqa.