Popular Bible Verses from Wlɔ 8

Share

'Nyɩ ‑a ‑ci ‑awlɛ lebhe ‑tɛtɛa 'fɩan lalɩ maa ɔ ‑wa 'lɛ Laagɔ na 'nanɩ, maa ɩ ‑plɔ 'lɛ 'tʋ le ɔ la na.

‑Ghɛɛ, n 'tɛlɩ pɔlɛ 'kʋ lebhe lʋʋ bhlogbɩɩ cɩ 'ta ‑ayɔɔsɔ 'la ‑walʋa cɩ ‑sasalɩ. 'Kwɩa, jabhʋ, 'bhlaandleecɩa*, ‑buun ‑wugwia ‑ɩ wa 'lɛ lebhe ɩ ka ‑kwle na, 'bhlɛsʋʋ ‑naa, 'kʋklʋʋn ‑naanʋa, ‑kwletɛtɩ, ‑laagɔɔn 'la 'tɛtɩa ɩya ‑gluu ‑naanɩa, ‑aana nʋnʋlɩɩa ‑tɛtɛa, lʋʋ bhlogbɩɩ cɩ 'ta mino, ɩya ʋ 'ka ‑aya Laagɔ 'la ‑walʋa ɔ 'plɩlɩ 'lɛ ‑ala ‑Kwlenyɔ Zozi Klisi 'kʋ 'nyɩ ɔ pala 'lɛ ‑anyɩ na cɩ ‑sasalɩ.

'Sɛtɛɛ bhlogbɩɩ, 'Wugoa ‑masɛ ci ‑anyɩ 'kʋ, ‑cɩcɩa ‑a 'ta 'lɛ ‑ka na ɩla gbʋ, sa ‑a 'ta saa ‑a ‑cɩ ka 'lɛ bhibhiebhibhieli na ‑ci. ‑Ma 'Wugoa 'titi bhibhie ‑ala da, bhalɩlɩɛa nclɔɔ cɩ 'ta 'lɛ dɩbalɩlɩɛ mino na nɩkplaan

Na, wɔɔsaa a ‑cɩ kanɩ ‑awlɛ 'lɛ nyɩtɛ bha? Laagɔ ‑ya ‑anyɩ ‑ka ‑plɔ na, ncaasaa ‑ɔ ‑cɩ kaa 'lɛ ‑anyɩ gbatlɩcili bha?

Na ‑pɔtɔnʋ, maa ‑ɔ ‑kʋ 'lɛ Zozi Klisi nɩkplaan na, gbaylɩsalɩɛ 'tanɩ mala da ‑glɩ.

'Nyɩ 'nyɛkɛa, kwɩɩ ɛ lamʋ 'lɛ, ‑ma 'Wugoa, jabhʋ ɩya pupue ‑ʋ lamʋ 'lɛ.

‑Ma ɩmɩ ‑naa ‑tɛtɛa nɩkplaan, ‑ala ‑sɩalɩɛa 'ta 'mʋsʋ ‑ka, ɔmɔa ‑ɔ wabha 'lɛ ‑anyɩ na 'la klalɩɛa 'la gbʋ.

N gugu lebhe bhlɛsʋʋ ‑naa nɩkplaan 'la 'kwlɩbhɩɛa 'ta lʋʋ ‑ylɛylɛ ‑glɩ, 'klʋagbaa ‑a -cɩ ka 'lɛ 'lɩ na 'la 'klʋʋn.

Na, ncaasaa ‑ɔ cɩ ‑kaa 'lɛ ‑aya Klisi 'la ‑walʋa cɩ ‑sasalɩ bha? Kwlɩbhɩɛ bha? Pɔɔplelie bha? ‑Ala 'kwlaanpalɩɛ bha? Ŋɔmʋ bha? 'Yalɛ bha? 'Kwɩneenkʋlɩɛ ‑aana, 'kwɩ bha?

'nyɩ ɔmɔa ‑ɔ ‑jlɛ 'lɩ pɔlɩa nɩkplaan, ɔ ‑ci ɩmɩa 'Wugoa gugu 'lɛ na, ‑masa ɩmɩa Laagɔ ‑wa 'lɛ na, ɩla 'sasʋʋn ʋ bhibhieli ‑kplɔkplɔnyaa 'la da.

‑Masa, maa ‑anʋa ‑ɔ namʋnʋ 'lɛ Laagɔ 'la 'Wugoa nɩkplaan na, maa ‑ɔ ‑glɩ 'lɛ Laagɔ 'la 'cuo.

‑Masa, maa ‑ɔ ‑kʋ 'lɛ 'nyɛkɛa 'la ‑kwleliea ‑zɔn na, 'nyɛkɛa 'la nʋnʋgbɩa 'la wɔlɩ ma gugu 'lɛ, ‑ma maa ‑ɔ ‑kʋ 'lɛ 'Wugoa 'la ‑kwleliea ‑zɔn na, 'Wugoa 'la nʋnʋgbɩa 'la wɔlɩ ma gugu 'lɛ.

Ɔmɔa ‑ɔ 'ta 'lɛ ɔmɔ 'titi, ɔla 'Cʋa 'kʋkabha, 'nyɩ ɔ yɔɔ 'lɛ ‑sa, ‑anyɩa 'fɩan 'la gbʋ na, 'nsasa 'ɔ cɩ taa 'lɛ lɩɩa ‑tɛtɛa ɔla 'Cʋa 'kʋ ‑gbɛ, ɩya ɔ 'ka 'lɛ ‑anyɩ 'nyɩ bha?

'Wugo ‑naa, ʋmʋ 'titi li ‑ala 'wugwia 'la ‑danʋfʋɛ lebhe ‑a ‑glɩ Laagɔ 'la 'cuo. Na, ‑a ‑glɩ 'lɛ Laagɔ 'la 'cuo na, ‑a ‑glɩmʋ ɔla ‑ajaalinya, ‑a ‑glɩ Laagɔ 'la ‑ajaalinya 'nyɩ ‑aya Klisi 'wlalɩ 'lɛ ‑aja 'kʋ. ‑Masa ‑a ‑yɔɔsɔ 'wlalɩ 'lɛ ɔla 'kwlɩbhɩɛa 'kʋ na, ‑a ‑yɔɔsɔ cɩ ɔla 'klʋagbaa ‑ma 'kʋwlalɩ.

Sa 'nyɛkɛa mʋnʋ Laagɔ gbatlɩ, ɛla 'nyi yi 'ta ɔla ‑jlɩmaa, 'nyɩ ɛ mino 'ta ‑ylɛylɛ ɩya ɛla 'nyi 'kaa yi.

Sa ‑laagɔzɔn bhuoa ‑bɛ lebhe Laagɔ wlaa ɔla 'cuoa 'la 'klʋagbaa ‑zɔn 'faanfan

‑Masa, ‑a ‑ci lebhe ‑laagɔzɔn bhuoa bhalɩ ka ‑azla le saa valʋ bhla 'lɛ 'ŋlɔ na.