Popular Bible Verses from Ziz 6

Share

Na, n ya pulupulukpangɔ 'lɩ. Ɔmɔa ‑ɔ ‑gbɛa 'mʋʋ 'lɛ 'kʋ na, ma lɔɔ «'Kwɩ» 'nyɩ 'kuduku gɩlɩa 'mɔɔ 'lɛ. Na, ma yɩɩ ‑dʋdʋa 'kʋ 'la ncɛlɩa 'la ‑nmɔɔna klea, ‑jioli 'kʋ 'nyɩnɩ le ɩ 'plɩlɩ tʋ, ŋɔmʋ, 'bhlabhlagu ɩya mlanyinyi 'kʋ ɩya ɩ 'bhla maa.

N ya kope 'nyɩ n ya ‑kpangɔ 'pɔpʋ 'lɩ. Ɔmɔa ‑ɔ ‑gbɛa 'mʋʋ 'lɛ 'kʋ na, ɔ ‑kaa janbluu wlɩɩn. Ma yɔɔ nyɩbhɛlɩkpoonkpo 'nyɩ, 'nyɩ ‑sɩanyɔ ‑naa ya mʋ le ɔ 'ka ‑awlɛ ‑sɩa.

'Nyɩ 'Bhlabhlɩcoa ya ‑ngbi ‑buziinyua ‑afluwaa 'kʋ ‑sa. Daa ɛ ‑sʋʋ 'lɛ 'dɛ na, n ya maa ma 'bhlaa 'lɛ, Laagɔ 'la wɔɔnyɩtʋa ɩya ‑danʋfʋɛa ma lia 'lɛ na 'la gbʋ na 'la 'wugwia gʋgwlagbatɩa ‑zɔn 'lɩ.

Ɩ ‑gaa nɩkplaan 'nyɩ ɩ claa lebhe: «‑Kplɔkplɔcanyɔ, ‑mɔa ‑ɔ ‑glɩ 'lɛ 'titia na, clɩɩ saa 'kʋ 'titi ‑n ‑cɩ kaa 'lɛ ‑ala 'tɩtɩa ‑pla ɩya ‑n kaa 'lɛ ‑ala ‑dolua ‑ʋ 'kɔsɔ 'lɛ sa na 'la kpaa ‑dʋdʋa 'kʋ 'la ncɛlɩa 'kʋ -salɩ bha?» Na ma ya nclɔɔ nclɔɔ lokwi 'pɔpʋɛ 'nyɩ, 'nyɩ ma ya maa 'cla lebhe ma kla ka ‑awlɛ pɔlɛ 'pɛpɛ ‑aan ɩya maa ‑ɔya maasɔ lobho 'lɛ ɩya ma bholiecɩa, ma cɩ 'ka 'lɛ maa 'bhisa 'kʋ 'bhla na 'la nea 'ka 'kʋjɔɔ.

Na, ‑buun ‑kpangɔ bhlo ya ‑zɔn 'wlʋ, ʋ ‑zaa le ‑kosu ‑zalʋ. 'Nyɩ ɔmɔa ‑ɔ ‑gbɛa 'mʋʋ 'lɛ 'kʋ na, ma yɔɔ ‑jioli 'nyɩ le ɔ ‑sa pupue ‑dʋdʋa 'kʋ ɩya ncɛlɩ 'ka 'bhlabhlalɩ. Na, ma yɔɔ ‑baandu wlɩɩn zʋ.

Sa ɔla dɔgbɛa 'la ‑clɩɩkadiea ya ŋeni 'nyɩ ncaasaa ‑ɔ -cɩ kɔɔ 'lɛ 'ci 'kʋ 'nylugolɩɛ mino bha?»

'Nyɩ daa 'bhlabhlɩcoa ‑sa 'lɛ ‑ngbʋflʋ ‑buziinyua ‑afluwaa 'kʋ na, n ya ‑dʋdʋa 'lɩ 'nyɩ ʋ ya gbasa tɩtɛlɩ. 'Ylʋbhuoa ya 'tutupla le lokwi kpʋɛ 'bhisa 'nyɩ cabhuoa ‑tɛtɛa ya 'plɩ le ‑dolu 'bhisa. ‑Zɔlʋa ya ‑laagɔɔn 'wlʋ ʋ ya ‑dʋdʋ 'kʋ bhli le saa 'figisua ‑bubo 'dɩdɔ 'lɛ na 'la 'caa ‑a 'ta 'lɛ ‑glɛɛ na bhli 'lɛ na.

'Nyɩ 'Bhlabhlɩcoa ya ‑mɔta ‑buziinyʋaa ‑afluwaa 'kʋ ‑sa. Daa ɛ ‑sʋʋ 'lɛ na, n ya ‑mɔta mlɛa neen 'nu, ɛ yaan ‑gaa 'nyɩ ɛ ya 'cla lebhe: «Ci!» 'Nyɩ n ya ‑kpangɔ kpʋa 'lɩ. Ɔmɔa ‑ɔ ‑gbɛa 'mʋʋ 'lɛ 'kʋ na, ɔ ‑kaa ‑bɩɔlʋʋ wlɩɩn. 'Nyɩ n ya ‑blɩɩzɔn bhlo 'nu le saa ncaablɩɩzɔn ‑kʋ 'lɛ na, ʋ 'wlʋlʋa mlaa ‑nmɔɔnaa sidiin 'nyɩ ʋ claa 'lɛ lebhe: «'Blee ‑kiloo bhlo ‑kanɩ clɩɩ bhlo 'la lobholi 'la dluuplʋdala 'nyɩ 'ɔlʋzʋ ‑kiloo ‑mɔta ‑kanɩ 'lɛ clɩɩ bhlo 'la lobholi 'la dluuplʋdala. ‑Ma ‑ɔ ‑glɩ 'lɛ 'kpʋa ɩya ‑diinvɛɛan na, ‑naa klɩɩ cɩ.»

‑Laagɔɔn ya 'dɛ 'wlʋ le saa ma gigieli 'lɛ ‑afluwa 'nyɩ ma saa 'lɛ 'dɛ na. 'Kikia ‑tɛtɛa ɩya 'lekpua ‑tɛtɛa ya ‑daa 'kʋ 'wlʋ. 'Nyɩ ‑dʋdʋa 'kʋ 'la nyɩbhɛlɩa, 'ŋlɩkalɩnyaa, 'sojatocɩa, ‑zaakalɩnyaa ɩya ‑kwletocɩa, geye ɩya ‑ncɩkalɩnya, maa ‑tɛtɛa ya 'kikia ɩya cɔkʋ 'kadɩa 'la kofua nɩkplaan zizie.