Popular Bible Verses from Ziz 3

Share

'Lɩka, n 'nylugo gbinea 'kʋ, n bhutia. Nclɔɔ ‑ka 'na ‑blɩɩzɔan 'nu 'nyɩ ɔ ‑ka gbinea kalɩ na, n cɩ ɔ 'bhisleen ble 'nyɩ n ‑yɔɔsɔ cɩ dabhlo lili.

N ‑ci ‑naa nʋnʋgbɩ. ‑N 'ta ‑wɔtɔ naa, ‑n 'ta ‑su. Ka ‑n kaa ‑wɔtɔ ‑aana ka ‑n kaa ‑su 'bhebhe na! ‑Ma sa ‑n ‑kʋ 'lɛ kpookpoo, 'nyɩ ‑n 'ta 'lɛ ‑wɔtɔ ‑aana ‑n 'ta 'lɛ ‑su na, n cɩ 'kɔɔ gɔzɩɛ.

‑Amʋ, maa 'fɩan n ‑wa 'lɛ na, ka n sa 'lɛ maa 'bɩ. Na, 'maa nʋ waawaa ɩya ‑n calakwla.

N ‑ci ‑naa nʋnʋgbɩa. 'Lɩka, n yɔɔ gbinea nclɔɔ bhlogbɩɩ cɩ 'ta 'lɛ kpaslɩlɩlɩɛ mino na, 'kʋklʋʋn kalɩ. ‑Naa 'tɛtɩa 'ta ‑zu, ‑ma 'bhlɩmɔɔn, ‑n ya 'na wɔɔnyɩtʋa 'kʋ 'plɩlɩ 'nyɩ ‑n 'ta 'na 'ŋlɩa ‑blɔ.

Ɔmɔa ‑ɔ ‑cɩ ka 'lɛ ‑sɩa na, n cɩ 'kɔɔ ‑jioli 'nyɩ lebhe ɔ kʋʋn cɩ sa 'na nyɩbhɛlɩkpoa 'kʋ, saa ‑tɛɛa ‑amʋ ‑ma n ‑sɩa 'lɛ 'nyɩ n ya 'lɛ n To cɩ sakʋkan mʋ ɔla nyɩbhɛlɩkpoa 'kʋ na.

‑N nabhe: «N ‑lio 'bhɛlɩ! N ‑ka 'nanɩ ‑bhutukpa, n 'ta lʋʋ ‑ylɛylɛ ‑mie.» ‑Ma ‑n 'ta sɛɛ ‑ci lebhe ‑n ‑glɩ ŋaazɩnyɔ, ‑n ka ŋaazɩ, 'yalɛ bhlɔɔ, ‑n ‑kʋ 'citutuun ɩya ‑abaan.

Sa ‑n ya 'lɛ pɔlɛ kla 'nyɩ ‑n ya 'lɛ 'na wɔɔnyɩtʋa 'kʋ 'plɩlɩ na, ‑amʋ ‑ma ‑n cɩ 'kɔɔ 'kwlɩbhɩɛa ‑ɛ cɩ 'ka 'lɛ ‑laagɔzɔn bhuoa ŋeni ɩya ɛ ka ‑dʋdʋa 'kʋ 'la ncɛlɩa nɩkplaancla na, 'la 'ŋwacɩa 'kʋ 'klʋlɩ.

N cɩ 'ka clɩɩklipɛ nɩkplaan cɔlɔ. Ɩmɩa ‑n ‑ka 'lɛ na, kalɩ kpaan ɩya nclɔɔ bhlogbɩɩ 'la kɔɔ ‑naa dluuplʋlɩɛa ‑salɩ.

Galɔ! Zʋ ɩmɩa ‑ɩ ‑to 'lɛ 'nyɩ ‑ɩ mʋ 'lɛ 'kukan na, 'tɛtɩɩn, sa n ya 'lɩ lebhe 'na Laagɔ 'ci 'ku, ‑naa nʋnʋgbɩa 'ta 'kʋglalɩɔ.