Popular Bible Verses from Ziz 19

Share

‑A nʋ ‑pɔpʋɛ, ‑a kʋ ‑jaabɔɔn ɩya ‑a 'nyɩɔ 'klʋagba, sa 'lɩka 'bhlabhlɩcoa 'la 'cɩcɩɛnʋtlɔnblɩa. Ɔla 'ŋlɔa ya bhɔsʋa

'Ŋlɩ bhlo ‑zieo ɔla lokwia ɩya ɔla bhopolua 'kʋ, ɩmɩ ‑ɩ ‑glɩ 'lɛ nyɩbhɛlɩ 'la Nyɩbhɛlʋ ɩya ‑kwlenyaa 'la ‑Kwlenyɔ.

Na, n ya ‑laagɔɔn 'lɩ, ɩ ya 'gbokalɩ, 'nyɩ ‑kpangɔ 'pɔpʋ bhlo ya ‑zɔnwlʋ. Ɔmɔa ‑ɔ ‑gbɩʋ 'lɛ 'kʋ na, ma lɔɔ nclɔɔa ma cɩ 'lɛ ‑deli 'kʋ 'tɛbhalɩ na ɩya ‑nʋawlɛɛnyɔ. Ɔla 'tɩtɩplalɩɛ ɩya tavʋlɩɛ 'nylugolu 'kʋ.

Ɔla 'cia ‑glɩ ‑kosuzalʋ. Ɔ ‑kaa nyɩbhɛlɩkpoonkpu ‑bhutukpa 'wlu 'nyɩ 'ŋlɩa ɔmɔ bhlogbɩɩ ‑tɛɛ ‑ci 'lɛ na, ‑zieo 'lɛ cɩ. Ɔ ‑bibiea lokwia ‑ɛ ‑budo 'lɛ ‑dolu na 'nyɩ ɔmɔ ma la 'lɛ Laagɔ 'la wɔɔnyɩtʋa.

'Nɛnɛlɛtɛ wlʋa 'mɔɔ neen, le ɔ 'kɛɛ 'ma ɩya ɔ 'ka 'bhlɩ 'bhlɩ 'kʋ 'la ncɛlɩa ‑tɛtɛa 'bhla. Ɔ cɩ 'ka letiepɛ 'ma ɩya ɔ 'ka maa ‑kwle. Ɔ su ‑ghlɛzɛɛncaa Laagɔ, 'tɛtɩa 'fɩan to 'la dɔgbɛa 'la ‑diivɛɛn ylidaa.

Ma ya mlɛa ɩya yooyo Laagɔnekʋnyɩtɛnyɔa* ‑ɔ 'plɩlɩ 'lɛ 'ciinzizielɩlobholia ɔ nʋnʋa 'mɛɛ 'lɛ 'ci 'kʋ na 'kʋ, 'nyɩ ɔ 'nyiglilia 'lɛ maa ‑ɔ ‑kaa 'lɛ mlɛa 'la cibhlilidaa cɩ 'nyɩ ‑ɔ gʋgwlaa 'lɛ ɛla palalɩlʋʋa na, 'kʋbhli. Ma ya maa ‑mɔsɔa 'la ‑jaja -naanʋa ‑kosu ‑zalʋa nɩkplaan 'pa.