Popular Bible Verses from Ziz 14

Share

'Nyɩ n ‑ya ‑blɩɩzɔn bhlo 'nu, ʋ 'wlʋlʋa ‑laagɔɔn 'nyɩ ʋ claa lebhe: «Zie lebhe: Ma ‑kʋnɩ ‑pɔtɔnʋ 'nanɩ, maa ‑ɔ 'kulu 'lɛ ‑Kwlenyɔ nɩkplaan na!» ‑Ghɛɛ, 'Wugoa nabhe: «'Naa ma 'lɩnɩ lobholia ‑tɛtɛa ma nʋ 'lɛ na 'la nyɔkwɛa, sa mala nʋnʋgbɩa gɩlɩ maa na.»

'Ŋwacɩa ya ŋeni, ɩya Laagɔ 'la ncɛlɩa ‑ɔ 'plɩlɩ 'lɛ ɔla ‑jlɩmaa 'kʋ 'nyɩ ‑ɔ ‑ka 'lɛ Zozii 'la pɔɔtɛtɛ na, 'kanɩ pɔlɛ kla.

Ɔ ‑gaa nɩkplaan 'nyɩ ɔ claa lebhe: «A kalɩ Laagɔ 'la zʋlɩɛ ɩya a 'nyɩɔ 'klʋagba, sa ɔla 'tɩtɩplaclɩɩa ya ŋeni. A gʋgwla ɔmɔa ‑ɔ nʋ 'lɛ ‑laagɔɔn, ‑dʋdʋ, ge ɩya 'nyukobhia na.»

'Nyɩ ‑buun ‑bhlaandlee bhlo, ‑mɔta ‑naanɔ ya maa gɩlɩ. Ɔ ya nɩkplaan ‑gaa 'nyɩ ɔ ya 'cla lebhe: «Gbazɩ nclɔɔ ‑ka mlɛa ɩya ɛla palalɩlʋʋa gʋgwla 'nyɩ ɔ ‑ka ɛla 'ylɩa 'kʋtaan ‑aana ‑kɔgbʋtaan ‑ka na, ɔmɔ ‑ma, ɔ cɩ 'ka Laagɔ 'la dɔgbɛ 'kadiea 'la ‑diinvɛɛan ‑ɛ 'ta 'lɛ 'cakalɩɔ 'nyɩ ma 'kɔsɔ 'lɛ ɔla dɔgbɛa 'la ‑kɔbhɛa nɩkplaan na 'mla ɩya ɔ 'ka ‑kosua ɩya gbacʋ sloa nɩkplaan gbaylɩsalɩɛ 'lɩlɩ, ‑kplɔkplɔ ‑bhlaandleecɩa ɩya 'bhlabhlɩcoa 'ci 'kʋ. Maa ‑ɔ gʋgwla 'lɛ mlɛa ɩya ɛla palalɩlʋʋa, ɩya ncaatʋtʋʋntʋa ‑ɔ ‑ka 'lɛ ɛla 'ŋlɩa 'la 'ylɩa cɩ na, mala gbaylɩsalɩɛa 'la gbacʋa cɩ 'ka 'kʋbho 'lʋkʋlʋkʋ ɩya 'lʋkʋlʋkʋ ɩya ma 'la ka zezezeliin ɩya bhlilbhliylʋʋn nyɔkwɛ kalɩ.»

Na, n ya kope 'nyɩ 'lɩka 'bhlabhlɩcoa, ɛ 'nylugoa Siyɔɔnkikea 'kʋ, ɛya ncaatabhlia ‑gwlɩɩa ‑ngbɔɔsɔa ɩya ‑nmɔɔna ɛla 'ŋlɩa ɩya ɛ To 'la 'ŋlɩa ‑zieo 'lɛ 'kʋtaan na.

'Nyɩ n ya ‑buun -bhlaandlee* bhlo 'lɩ, ɔ 'plɩlɩa ‑taatea nɩkplaan 'koonko. Ɔ ‑kaa Dɩnanɩ bhlo, ‑ɩ ‑kʋ 'lɛ 'lʋkʋlʋkʋ ɩya 'lʋkʋlʋkʋ na le ɔ 'kaa 'mɩɩ ‑dʋdʋa 'kʋ 'la ncɛlɩa ‑sa: 'Bhlɩ 'bhlɩ 'kʋ 'la ncɛlɩ, 'lɔkpʋa ‑tɛtɛa, ‑gojia ‑tɛtɛa ɩya 'lɔlɩa ‑tɛtɛa.

Na, ‑buun ‑bhlaandlee bhlo yɔɔ gɩlɩ 'nyɩ ɔ claa lebhe: «Ʋ ya bhli, ʋ ya bhli, Babilɔnʋdu 'kadiea. Duu ‑naa, ‑ʋ ya 'lɛ 'bhlɩ 'bhlɩ 'kʋ 'la ncɛlɩ ʋla ‑badaaglu 'kadʋa 'la ‑diinvɛɛan tɩa na.»