Popular Bible Verses from Gal 5

Share

‑Ma 'lɩka 'Wugoa 'la 'caa ʋ tlʋ 'lɛ na: ‑Walʋ, pɔlɛkʋmɛnɔ, pupue, pɔlɛsaslalɩɛ, gbɩnanɔ, 'nanɩnʋlɩɛ, ‑delikʋtɛlɔ pɔɔwɔtɛ, ncɩkʋklalɩɛ. ‑Jlɩmaa ‑ylɛylɛ mʋnʋ 'ta ‑anɩ ‑naa gbatlɩ.

N nabhe: A namʋnʋ 'Wugoa 'la 'tɛtɩa nɩkplaan ɩya a 'la 'ka lɩɩa 'la 'tʋa ‑ʋ bhla 'lɛ 'nyɛkɛa na, nʋ.

N, ɩ ‑ka ‑kʋ lebhe 'Wugoa 'nyɩ 'lɛ ‑anyɩ jabhʋa na, 'naa ‑aya namʋnʋ 'Wugoa namʋnʋ cɩ.

Maa ‑ɔ ‑glɩ 'lɛ Klisi 'nʋa na, ma ya 'nyɛkɛa ‑ya ɛla ‑wawalɩɩa dabhlalɩsua 'ciinbho.

'Nyɛkɛa 'la nʋnʋgbɩa, ‑a ‑jlɩɩ wɩaan: 'Wɩwɩ, ‑badaaglu, ‑zliigʋgwlɛ, gɔzɛ, ‑zɔbhɛlɩzʋ, neenkɛkɛlɩlɩɛ, woze, dɔgbɛ, ncɩkʋtɩtɔlʋlɩɛ, nɩkplaandolɩɛ, 'tɩtʋɛ, 'cizagbɛ, nʋmlalɩɛ, pɔɔbhlagbɩ ɩya 'sɛ 'la ‑buun nʋnʋgbɩa 'fɩan. Saa n bhlia 'lɛ 'k tooto na, n bho anyɩ ɩla ‑kɔkɔ lebhe ɩla nʋnyaa cɩ 'ta ‑laagɔɔn 'la Nyɩbhɛlɩdua* ‑aja 'kʋ lili.

Anyɩ, bholiecɩnyɩ, ka Laagɔ la 'lɛ anyɩ le a 'ka ‑ncɩkalɩɛ 'lɩ. Ka ‑tɛɛ, ‑ncɩkalɩɛ ‑naa 'la 'nyɩa 'nyɛkɛa 'la nʋnʋgbɩa ‑jioli. ‑Ma, ‑walʋ nɩkplaan nclɔɔ nclɔɔ 'plɩ ɔ 'yu 'la geyu.

Sa 'nyɛkɛa 'la lɩɩa ‑ɩ ‑kɛɛ 'lɛ 'tʋ na mʋnʋ 'Wugoa 'nɩa gbatlɩ 'nyɩ 'Wugoa 'la lɩɩa ‑ɩ 'kʋʋ 'lɛ 'tʋ na, mʋnʋ 'lɛ 'nyɛkɛa 'nɩa gbatlɩ. 'Ɩ ‑mɔsɔa 'plɩ 'ta bhlo. Na, a mino 'ta ɩya a 'ka ala 'wluuan wɔlɩ nʋ.

Sa, wɔɔnyɩtʋ ‑naa bhlogbɩɩ nɩkplaan ‑jlɩmaa ‑tɛtɛa kolu 'lɛ 'wlu: Wabha ‑n 'yʋ le saa ‑n ‑wa 'lɛ ‑ncɩ na.

‑Ma -a 'la kpolia gbɩɩn, ‑a 'la 'matɩmatɩlɩa gbɩ 'kʋ ɩya ‑a 'la ‑plalɩplalɩa woze 'kʋ.

Ka Klisi ‑sa 'lɛ ‑anyɩ geyliin, le ‑a kanɩ ‑ncɩkalɩnya 'titi 'plɩ. Na, a kla kpaan ɩya a 'la 'talɩa acɩ 'ciin ɩya ma 'la cala anyɩ geyliin.