Popular Bible Verses from Lobh 14

Share

«‑A 'nagwɩɛcɩnyɩ, 'lɩsaa a nʋa 'lɛ ‑sa bha? Ncɛlɩ ‑a ‑glɩ 'lɛ anyɩ 'bhisa. Ka ‑a sa 'lɛ anyɩ Dɩnanɩa* le a 'ka ‑sa 'la yooyo gbɩ ‑naa bɩ 'kʋ 'wlʋ ɩya a 'ka ‑Jajalaagɔa 'klʋtla. Ɔmɔ ‑ɔ nʋ 'lɛ ‑laagɔɔn, ɩya lɩɩa ‑tɛtɛa ‑ɩ ‑kʋ 'lɛ 'yɛpɩ na, ‑dʋdʋa, ɩya lɩɩa ‑tɛtɛa ‑ɩ ‑kʋʋ 'lɛ 'kʋ na, ge, ɩya lɩɩa ‑tɛtɛa ‑ɩ ‑kʋɛ 'lɛ nɩkplaan na.

Clɩɩ bhlo, Pɔlʋ nyɩtɛa 'nyɩ nclɔɔ ‑naa ‑poa 'mɔɔ 'nyukwliin. Pɔlʋ 'la 'cia yɔɔ 'kʋ bhlili, ɔ yɔɔ 'ciinkope 'cɩɩ 'nyɩ ɔ ya 'lɩ lebhe ɔ ‑kaa pɔɔtɛtɛ lebhe ɔ cɩa jabha. Na, ɔ ya nɩkplaan ‑gaa 'nyɩ ɔ yɔɔ 'cla lebhe: «‑Bho 'kʋ ɩya n 'nylugo ‑naa bhɩa 'kʋ!» Nclɔɔa ya ɔcɩɩn 'sʋ, ɔ ya 'nylugo 'nyɩ ɔ ya 'namʋ zʋ.

Na, ‑laagɔnɩkplaa sidiin, ma ya ncaakpasɩ desla, ma ya bhibhie, ma ya ‑zelizlo 'nyɩ ma ya maa ‑Kwlenyɔa, ma ‑zʋɔ 'lɛ mala pɔɔtɛtɛa 'kʋ na, wlɩɩn zʋ.