Popular Bible Verses from 2 Pɩɛ 3

Share

Ncɛlɩ ‑anʋa gugu lebhe ka ‑Kwlenyɔ didleli 'lɛ ɔla ‑ndanyɩtalɩɛa 'la 'kʋglalɩlɩɛ nɩkplaan. ‑N 'ta sɛɛ ɩ 'ta 'lɛ ‑kʋ, ‑ma, anyɩ ala gbʋʋ, ɔ gbada 'lɛ, sa ɔ 'ta ‑wa lebhe anyɩa nɩkplaan, bhlogbɩɩ mlɔ na. ‑Ma, ka ɔ 'matɩ 'lɛ lebhe ncɛlɩa 'fɩan cala kwla.

Na, n 'nagwɩɛcɩnyɩ, wɔlɩ bhlo ‑kʋ, ɩ 'ta ‑fata lebhe a bolui 'kʋ. Ɩmɩ ‑ɩ ‑glɩ 'lɛ lebhe: ‑Kwlenyɔa 'la da, clɩɩ bhlo ‑kʋ le liowli ‑tabhli, 'nyɩ liowli ‑tabhli ‑kʋ 'lɛ le clɩɩ bhlo.

‑Ma, a mʋ 'kʋklʋʋn, ‑ala ‑Kwlenyɔ ɩya Gbʋʋnsanyɔ Zozi Klisi 'la ‑walʋa ɩya ɔla cibhlililiea nɩkplaan. 'Naa 'klʋagba ŋenio ‑pɔtɔnʋ ɩya 'lʋkʋlʋkʋ ɩya 'lʋkʋlʋkʋ. Ɩ kʋ sɛɛ.

Na, ‑Kwlenyɔ 'la Clɩɩa, 'winyɔ 'bhisa 'kʋ, ɩ cɩ 'ka 'lɛ ci. 'Dɛ 'la clɩɩa 'kʋ, ‑laagɔɔn cɩ 'ka 'lɛ mlɔ 'kasɛ nɩkplaan, lɩɩa ‑tɛtɛa ‑ɩ ‑kʋ 'lɛ 'yɛpɩ na cɩ 'ka si ‑tlɛkɛtlɛkɛ 'nyɩ ‑dʋdʋa ɩya ʋla nʋnʋgbɩa ‑tɛtɛa cɩ 'ka 'lɛ ‑kosuun ‑pɔɔ.

Na, ɩmɩ ‑naa 'fɩan cɩ 'ka 'lɛ ‑sa mlɔ na, ncaasaacɩ 'titii, a ‑waa 'lɛ lebhe a 'kaa 'plɩ bha? Ka ala kʋkʋkʋlɩɛa cɩ 'lɛ ‑kplɔ bha, ‑ma ka a cɩ 'ta 'lɛ Laagɔ 'la zʋlɩɛ kalɩ bha? Anyɩa ‑ɔ ‑bɛ 'lɛ 'nyɩ ‑ɔ ‑wa 'lɛ lebhe Laagɔ 'la ciclɩɩa, daa ‑kosu cɩ 'ka 'lɛ ‑laagɔa nɩkplaan 'mle 'manɩ ɩya 'yɛpɩ 'la lɩɩa ‑tɛtɛa 'ka 'lɛ si ‑tlɛkɛtlɛkɛ na, ŋeni 'faanfan na.