Popular Bible Verses from Romanos 10

Share

Xi³ coi³-vi⁴, tsa² si⁴qui²xi⁴ya³nta³-lai⁴ cao⁴ ntso⁴ˀvai³ nca³ Nai³-li⁴ Jesús, cˀoa⁴ tsa² coan⁴cjain¹-le⁴ ni⁴ma⁴-li⁴ nca³ Ni³na¹ qui³si³cja³ˀa¹ya³jin³-ni³le⁴ cˀen³ Cristo, cˀia⁴ coi²tjo⁴ntjai²-ni¹ˀni³.

Nca⁴ cao⁴ ni⁴ma⁴-na¹ ma³cjain¹-na¹ xi³ tˀa³tsˀe⁴ nca³ cjoe⁴tˀa³ je¹-na¹, to⁴nca³ cao⁴ ntso⁴ˀva³² ni²qui²xi⁴ya³nta³-nia¹ xi³ tˀa³tsˀe⁴ nca³ coi²tjo⁴ntje².

Cˀoa⁴-sˀin² ma³cjain¹-na¹ xi³ to⁴tˀa³tsˀe⁴ nca³ no²ˀya². Cˀoa⁴ cˀoa⁴-sˀin² no²ˀya² xi³ to⁴tˀa³tsˀe⁴ en¹-le⁴ Ni³na¹.

Je² xon⁴ Escritura tso²: Je² nca³tsˀi³ xi³ ma³cjain¹-le⁴ tˀa³tsˀe⁴ Cristo, li²coi³ coan⁴soa³-le⁴. Nca⁴ Ni³na¹ to⁴nco¹son² fi²cao⁴ cho⁴ta⁴ judío cao⁴ cho⁴ta⁴ griego, nca³ ti⁴je²-ni³ Cristo xi³ Nai³-le⁴ nca³tsˀi³, nˀion¹ tjin¹-le⁴ cjoa⁴nchi⁴na¹ tˀa³tsˀe⁴ nca³tsˀi³ xi³ nchja⁴-le⁴. Nca⁴ nca³tsˀi³ to⁴ˀya³-ni³ve⁴ xi³ coi⁴nchja⁴-le⁴ jan³ˀain¹-le⁴ Nai³-na¹, coi⁴tjo³ntjai²-ni¹ˀni³.

Cˀoa⁴ jo¹-sˀin² coi⁴nchja⁴ya³jin³-le⁴ tsa² tsi² ˀya³ xi³ si⁴²ca³sen¹-le⁴, jo³-sˀin² tji¹tˀa³: Li² to⁴cˀoa⁴ na³sca¹ cjoan³ ntso⁴co⁴ je² xi³ tsˀe⁴ xi³ nchja⁴ya³jin³ je² en¹nta³-le⁴ tˀa³tsˀe⁴ xi³ nchˀan¹ tjin¹, xi³ tsˀe⁴ xi³ nchja⁴ya³jin³ je² en¹nta³-le⁴ tˀa³tsˀe⁴ xi³ nta³ tjin¹.

Jo¹-sˀin² coi⁴nchja⁴-le⁴ Cristo tso²cˀoa⁴, nca³ je² xi³ tsi² coan³cjain¹-le⁴ tˀa³tsˀe⁴. Cˀoa⁴ jo¹-sˀin² coan⁴cjain¹-le⁴ tˀa³tsˀe⁴, nca³ je² xi³ tsi²coi³ nčhˀoe¹ tˀa³tsˀe⁴. Cˀoa⁴ jo¹sˀin² coan⁴-ni³ cjoi⁴nčhˀoe¹, tsa² tsin² xi³ coi⁴nchja⁴ya³jin³-le⁴.

Cristo qui³si³cje³tˀa³ cjoa⁴te¹xo³ma³-ve⁴, jme¹-ni³ nca³ sˀe⁴-si¹ni³le⁴ cjoa⁴qui²xi⁴ nca³tsˀi³ xi³ ma³cjain¹-le⁴.