Popular Bible Verses from Apocalipsis 6

Share

Cˀoa⁴ qui³sco²tsen³. Coe⁴-ni³ jnco³ na⁴xin¹ xi³ bayo cji³. Je² xi³ ti¹jna³son²-le⁴ tjin¹-le⁴ jan³ˀain¹ Cjoa⁴vi³ya³, cˀoa⁴ ya⁴ jña³ nca³ ti¹ti² qui³tjen⁴nqui³-le⁴. Cˀoa⁴ je² qui³tsˀai²-le⁴ nca³ coa⁴te²xo³ma³ jnco³ ya² xi³ ma³-ni³ ño³ ya²-le⁴ son³ˀnte³, jme¹-ni³ nca³ si⁴²cˀen³-si¹ni³ cao⁴ qui⁴cha⁴spada cao⁴ cji³nčha¹ cao⁴ cjoa⁴vi³ya³ cao⁴ je² cho⁴jña¹-le⁴ son³ˀnte³.

Cˀoa⁴ qui³sco²tsen³. Coe⁴-ni³ jnco³ na⁴xin¹čhoa³. Je² xi³ ti¹jna³son²-le⁴ tjin¹-le⁴ jnco³ ya¹tsi³tin³. Qui³tsˀai²jnco³-le⁴ corona, cˀoa⁴ je² ji³tjo³ nca³ ti¹njen²-le⁴ jme¹-ni³ nca³ coi⁴njen⁴-si¹ni³le⁴.

Cˀia⁴ nca³ je² tsa³cˀa³sje³tˀa³ je² xi³ ma³ˀaon²-ni³ sello, tsa³ˀve³nqui³-le⁴ son²xta² ni⁴ma⁴-le⁴ je² xi³ qui³ni²cˀen³ xi³ to⁴tˀa³tsˀe⁴ en¹-le⁴ Ni³na¹, cˀoa⁴ xi³ to⁴tˀa³tsˀe⁴ je² en¹-le⁴ xi³ qui³tsjoa³.

Jo³ nca³ nˀion¹ qui³nchja⁴ tso²: Señor xi³ tsjai³ xi³ cjoa⁴qui²xi⁴, cˀia¹ sa³ˀnta³ nca³ cˀoai⁴-lai⁴ cjoa⁴ñˀain³ je² xi³ ya⁴ tjio¹con³ son³ˀnte³, cˀoa⁴ nca³ si⁴jntai²³ njin¹-na⁴jin⁴. Cˀoa⁴ qui³tsˀai²-le⁴ na³jño³ xi³ čhoa³ cjoan³, cˀoa⁴ tsa³cˀin²-le⁴ nca³ ca²ta³si¹cja¹ya³ nqui³ jo³ tjin¹ ni⁴čhjin³, sa³ˀnta³ nca³ sˀe⁴jnco³ cao⁴ je² xi³ qui³ni²xa¹cao⁴ cˀoa⁴ cao⁴ ntsˀe⁴, xi³ cˀoa⁴-ti⁴ si⁴cˀen³ jo³-ni³ nca³ je².

Ji³tjo³ nqui²jnco³ na⁴xin¹ xi³ ni² cji³. Je² xi³ ti¹jna³son²-le⁴ qui³tsˀai²-le⁴ ˀnte³ nca³ cjoa⁴ˀa²xin² xi³ nchˀan¹ chon³ xi³ tsˀe⁴ son³ˀnte³, nca³ si⁴²cˀen³-si¹ni³ xi¹ncjin¹. Qui³tsˀai²-le⁴ jnco³ qui⁴cha⁴spada xi³ nˀion¹ je³.

nca³ je³ja³ˀai³ je² ni⁴čhjin³-le⁴ cjoa⁴jti³-le⁴. ˀya¹ xi³ coan⁴ jcho¹cjoa⁴cao⁴-le⁴.

Qui³sco²tsen³ cˀia⁴ nca³ tsa³cˀa³sje³tˀa³ je² xi³ ma³jaon³-ni³ sello. Coe⁴-ni³ cˀoa⁴coan³ jnco³ chaon¹ xi³ nˀion¹. Je² tsˀoi¹, jma² qui³sˀe³ jo³-ni³ tsa² jnco³ na³jño³jma², cˀoa⁴ je² sa¹ coan³ njin¹ nca³yi³je³. Cˀoa⁴ je² ni³ño³-le⁴ ncˀa³jmi³ qui³tsao³ tˀa³na³nqui³ jo³-ni³ tsa² ya¹ higo xi³ tsao³nqui³ to³-le⁴ xi³ cje³ chji²-jin² cˀia⁴ nca³ jnco³ ntjao⁴ xi³ nˀion¹ fa³ˀa³.

Cˀia⁴ nca³ je² tsa³cˀa³sje³tˀa³ je² xi³ ma³jan²-ni³ sello, qui³nčhˀoe³-le⁴ je² xi³ ma³jan²-ni³ xi³ tjio¹con³, xi³ tso²: Nčhoai¹³, cˀoa⁴ cho¹tsain³. Qui³sco²tsen³, cˀoa⁴ coe⁴-ni³ jnco³ na⁴xin¹jma². Je² xi³ ti¹jna³son²-le⁴ tjin¹-le⁴ jnco³ ya¹libra ya⁴³ ntsja³. Qui³nčhˀoe³-le⁴ jnco³ jta⁴ ya⁴ nca³va³sen³-le⁴ xi³ ño³ ma³ xi³ tjio¹con³ xi³ tso²: Jao² libra trigo nca³ jnco³ vi²xo⁴, cˀoa⁴ jaon³ libra cebada nca³ jnco³ vi²xo⁴. A³li² ni²qui³tson¹-jin²³ je² vino ni⁴je² si²ti⁴-ve⁴.

Cˀoa⁴ je² ncˀa³jmi³ qui³tˀa³xin² jo³-ni³ tsa² jnco³ xon⁴ xi³ sˀe³xco¹ya³. Nca³yi³je³ ni³nto³ cao⁴ je² ˀnte³ xi³ tjio¹ˀncho² nta¹chi³con³ qui³cha³ˀa²xin²-ni³ ˀnte³-le⁴. Je² cho⁴ta⁴ti¹tjon²-le⁴ son³ˀnte³ cao⁴ cho⁴ta⁴je³ya³, cao⁴ xi³ nchi⁴na¹ cao⁴ xi³ capitán, cao⁴ xi³ nˀion¹ tjin¹-le⁴ nca³nˀion¹, cao⁴ nca³tsˀi³ cho⁴ˀnta³ cao⁴ xi³ ntai¹ tjio¹, qui³ ca³tio¹ˀma³ nqui³nqui³jao³ cˀoa⁴ nqui³na⁴xi⁴ xi³ tjio¹jin³ jña¹jcha¹.