Popular Bible Verses from Gálatas 5

Share

To⁴nca³ je² cjoa⁴nta³ xi³ tsjoa¹jin³ ni⁴ma⁴-na¹ je² Espíritu Santo, xi³ coi³: Cjoa⁴tjao²cha³, cjoa⁴tsjoa³, cjoa⁴ xi³ nchˀan¹ tjin¹, cˀoa⁴ nca³ ni²cjain¹-le⁴² xi²nquia⁴², cjoa⁴ntˀe¹, cjoa⁴nta³, cˀoa⁴ nca³ ma³cjain¹-na¹, cjoa⁴ˀi³nta³jin³ta³con², cˀoa⁴ nca³ chjoe¹xcoa¹ yao³-na¹. Tsin² cjoa⁴te¹xo³ma³-jin² xi³ co²ntran⁴ fi²-le⁴ je² cjoa⁴-vi⁴.

Cˀoi⁴xian³: Ti⁴ma³cao⁴³ nca³nˀion¹-le⁴ Espíritu Santo, a³li² to⁴je²-jin² cjoa⁴chi⁴nca⁴-le⁴ yao³-no³ si⁴tjo³son²-lao⁴³.

Tsa² ti³yo³choan³² tˀa³tsˀe⁴ je² Espíritu Santo, cˀoa⁴-ti⁴ ca²ta³vi³ma³coa⁴² nca³nˀion¹-le⁴ Espíritu Santo.

Je² xi³ tsˀe⁴ Cristo jo³-ni³ tsa² xi³ cˀen³tˀa³ cro². Ntia³ qui³si³cha³nqui³ cjoa⁴fa³ˀai³tsjen³ xi³ tsˀe⁴ cjoa⁴tsˀen⁴-le⁴ cao⁴ cjoa⁴chi⁴nca⁴-le⁴.

Je² cjoa⁴ xi³ sˀin¹ yao³-na¹, tjio¹tsen³, xi³ coi³: Cjoa⁴cha³jnqui³, cjoa⁴jnti¹, cjoa⁴chi⁴nca⁴, xi³ ve³xcon¹ xco¹son², cjoa⁴vˀe²nta³, cjoa⁴co²ntran⁴, cjoa⁴vi³xcan², cjoa⁴chi⁴ni⁴, cjoa⁴jti³, xi³ fao¹ti³ˀa³, xi³ jao²ya³ tjin¹, xi³ xin² tjio¹-le⁴ xi¹ncjin¹, cjoa⁴xin²ta³con², xi³ cˀen³ si¹cˀen³, xi³ cjoa⁴chˀi⁴, je² xi³ to⁴xquia⁴ sˀin¹jin³ sˀoi¹, cˀoa⁴ je² nca³yi³je³ cjoa⁴ xi³ cˀoi⁴²-sˀin² cjoan³. To⁴nqui³-ni³ mi³ncha³ˀa³-no³ nca³ chˀao³ tjin¹, jo³-sˀin² to⁴nqui³-ni³ qui³nchja²ya³jin³-no³, nca³ je² xi³ cˀoa⁴tjio¹sˀin¹ nca³ntsjai² li²coi³ sˀe⁴cjoa⁴tjao²-le⁴ cjoa⁴te¹xo³ma³-le⁴ Ni³na¹.

Jon² ntsˀe³, qui³no²cjoa⁴-no³ nca³ coi⁴yo³ntao¹³, to⁴nca³ a³li² ni²chjen¹-jion²³ cjoa⁴ntai¹-no³ jo³-sˀin² me³-le⁴ yao³-no³, to⁴nca³ to⁴cˀoa⁴-sˀin² ti⁴chjen¹-nca³ñao¹³ cao⁴ cjoa⁴tjao²cha³ tˀa³tsˀe⁴ xi²nquio⁴³.

Je² cjoa⁴ xi³ me³-le⁴ yao³-na¹ vˀe¹chjoa²-le⁴ je² Espíritu Santo, cˀoa⁴ je² cjoa⁴ xi³ me³-le⁴ Espíritu Santo vˀe¹chjoa²-le⁴ yao³-na¹. Je² cjoa⁴-ve⁴ fi²co²ntran⁴-le⁴ xi¹ncjin¹, jme¹-ni³ nca³ tsi² cˀoa⁴sˀian⁴-si¹nio³ jo³-sˀin² nca³ me³-no³.

Nca³yi³je³ cjoa⁴te¹xo³ma³ vi³tjo³son² cao⁴ nca³ to⁴jnco³ en¹-ve⁴: Tjao²cha³ tˀiain⁴ xi²nqui⁴ jo³-sˀin² tjao²chai³ yao³-li⁴.

A³li²coi³ ti⁴chˀa⁴sje³je³ya³-ni³le⁴² yao³-na¹ xi³ tsi²jme³ chji¹-le⁴. A³li²coi³ ti⁴si⁴jti³ xi³ˀi⁴nca³jan¹-ni³le⁴² xi²nquia⁴². A³li²coi³ ti⁴coan⁴xin²ta³con³cha³-nia³² xi²nquia⁴².

Xi³ tˀa³tsˀe⁴ je² cjoa⁴ntai¹-ve⁴ Cristo qui³si³cˀe¹yo³ntai¹-na¹. Ña³qui³ nˀion¹ ti⁴yo³jin³-lao⁴³ je² cjoa⁴ntai¹-ve⁴. A³li² ti⁴vˀai²ˀnte³-jin²nio³ nca³ ya¹ yugo sˀe⁴nqui³ nqui²jnco³cˀa² ya¹sion³ nca³ cho⁴ˀnta³ coaon⁴³.