Popular Bible Verses from Matsiɨkɨtɨ kemɨratɨa 7

Share

Merikɨtsɨ 'ana nekaneutaniere, teɨteri yumɨireme nekaniwaruxeiya naitsarie kiekatari, nuiwarite, kiekari mukumanetsie meta kememɨte'uniukakai, tewi pɨkayɨwekai mɨwaruti'inɨatakɨ. Mana 'uweni hɨxie meta Muxa hɨxie mekaniti'ukaitɨni me'anakatuxatɨ, takɨ me'upitɨ.

Karima mɨpaɨ mekateniuhiwakaitɨni: «Wikweitsitɨarika takakaɨyari hetsɨa kanayeneikani, 'uwenitsie maka, meta Muxa».

Karikɨ Muxa yu'uwenitsie 'akaitɨ mɨkɨ pɨwa'ɨwiyani muxatsi wahɨweme hepaɨ yɨanetɨ, pɨwarewitɨkɨni naitsarie haixa mukunenieretsie mana meharetɨ memayenenierenikɨ, meta Kakaɨyari naime wa'ukai kana'itiexɨamɨkɨ wahɨxita.

'Ayumieme Kakaɨyari 'uwenieya hɨxie mekaniti'uka, tukarikɨ meta tɨkarikɨ hetsiena mieme tukitana mekateni'uximayaka, meta kemɨ'ane 'uwenitsie maka, pɨwateɨtani wa'ɨwiyatɨ yutukita. Hatsuakuri mepɨkaheuhakakwikuni, mepɨkaheuharikuni. Tau pɨkawaxɨrimɨtɨaka, xɨri pɨkawa'uximatɨaka.

«'Akuxi 'axaxepɨka'iyurieka kwie, haramara meta naime kɨyexite, tekawatitseyumawekaku takakaɨyari te'uximayatametemama wakanata». Hikɨ 'inɨarite nekaniu'enieni, kememɨyupaɨmekai memutseyumarie: Xeitsienituyari heimana huta tewiyari heimana nauka miriyari (144.000) meyupaɨmetɨ mekaniutseyumarieni 'Ixaheri nuiwarimama. Xexuitɨ nuiwarite mepuxuawekai.