Popular Bible Verses from Matsiɨkɨtɨ kemɨratɨa 11

Share

Hikɨ 'atahutarieka mieme niuki tuayame yukuxineta kaniutahɨtsieni. Hikɨ karima mekanetiniukakaitɨni muyuawitsie mɨpaɨ me'utiyuatɨ: «Hikɨtsɨari kwiepa memɨtama wahetsie katinanuyeyani, Kɨritsitu pɨtari pɨtita'aita tahetsiemieme, tsepa xeitsienituyari wiyari manuyekɨka».

Nuiwarite mekaniha'akaitɨni, peru 'ahaxɨa kanaye'ani pemɨtiwakwinitɨanikɨ, tukari raye'a mɨkite pemɨwatahɨawekɨ, wa'iwarika pemɨwaminikɨ 'ahetsɨa miemete te'uximayatamete, Kakaɨyari niukametemama, Kakaɨyari teɨterimama memɨpatsie, mɨkɨ memɨmatsi'ayemakaxe kepemɨtitewakɨ, tɨɨri meta 'ukirawetsixi yunaitɨ, meta kanaye'ani pemɨwakwinikɨ kemɨ'ane kwie memɨtsewiximakai».

Neri yuhutame nekaniwarexeiyani tehekɨatamete, mɨkɨ kememɨte'unenierixɨ mɨpaɨ memɨtekuxatanikɨ xeimiriyari heimana huta tsienituyari heimana haika tewiyari tukari, hiwerika kamixayari me'anakatɨtɨkaitɨ».

Hikɨ haika tukari heimana merie tuka 'anukayaku 'iyari nieritɨwame kaniwaruwiya Kakaɨyari heiyenɨ'aku. Mekananuku'uni, mɨkɨ memɨwaruxei kwinimieme mekateniutimamani.

Mɨkɨ tehekɨatamete heitserie mekanexeiyani muyuawitsie mɨkakawiyekɨ mexi metekuxata, heitserie meta mekanexeiyani haa hepaɨtsita, xuriya memayeitɨanikɨ, memɨtewakwinitɨanikɨ kwiepa memɨtama naime kwiniyakɨ tsepa kepaɨmexɨa kemɨtiwanake.

Huriwa kɨyeyari hutatɨ, kɨxeme hutatɨ kwie kutsiyari hɨxie mɨti'u, mɨkɨ mekanihɨkɨtɨni. Xɨka xewitɨ tiwakwinitɨamɨkɨni, mɨkɨ tai yuteta mepɨwayenenetɨwa, meta mepɨwatixɨxɨtsitɨwa mɨkɨ memɨwaraye'unie. Mɨpaɨ katinimieriemɨkɨ kemɨ'ane mɨtiwakwinitɨamɨkɨni.