Popular Bible Verses from Keremiyaxi 3

Share

Muxatsi wahɨwemete nepɨwahɨritɨani yamemɨtekahu kemɨnetinake, memɨwa'ɨwiyanikɨ metemaiwawetɨ meta mete'akumaitɨ.

«Xekeneu'axɨa, xemɨnetsi'uku'eiri, nepɨxeti'uayemani heitserie xemɨka'u'uwakɨ». «'Ena tepu'uwa, 'ahetsɨa teputi'axe, 'ekɨ Yawé takakaɨyari pemɨhɨkɨkɨ.

Kenemie tayeta 'ikɨ niuki kenetaxata: »“Kenenua, 'Ixaheri pemɨnetsi'uku'eiri. Neha'atɨ nepɨkamatsixeiya —Yawé mɨpaɨ kanaineni—. Haxɨari 'ahetsiemieme nepɨka'utani yuheyemekɨ, ne nemɨtiyukanenimayakɨ —Yawé mɨpaɨ kanaineni—.

Keneu'atimaixɨa xeikɨa ke'axapemɨtiuyuri, meta kename Yawé pe'aye'unietɨ pehatɨa 'akakaɨyari. Naime kɨyexi mɨ'e'etɨtɨka hetɨa hipame kakaɨyarixi pepɨwarayexeiyakai, meta kepemɨkati'awaɨriya yapemɨtikamienikɨ”». Yawé mɨpaɨ kanaineni: «Nehetsɨa xekeneu'axɨa xemɨnetsi'uku'eiri, karikɨ ne xekɨna nekanihɨkɨtɨni. Yuxexuime xeikiekariyaritsie nepɨwarayewitɨxɨani meta yuhuhutakame xeinuiwaritsie miemete, Tsiyuni paitɨ nepuwa'atɨani.