Popular Bible Verses from 'Itsɨkate 6

Share

Kepauka niuki tuayame Yawé hetsɨa mieme, Kerehuni hɨxie muyuhekɨataxɨ mɨpaɨ katinitahɨawe: ―Yawé 'ahamatɨa kaniuyeikani, tewi pemɨtɨrɨkaɨye pemeuyutamiewe.

Yawé matsi mɨpaɨ katinitahɨawe: ―Kenemie kepemɨtitɨrɨkaɨye, 'ixaheritsixi pekaniwatawikweitsitɨamɨkɨ mariyanitsixi kememɨwayurie. Ne nepɨhɨkɨ nemɨmatsihanunɨ'ani.

Yawé mɨpaɨ katinitahɨawe: ―'Ekɨ pepɨwara'iwa mariyanitsixi xewitɨ tewi mɨyɨaneni hepaɨ, netsɨ 'ahamatɨa nekaniuyeikamɨkɨ.

Kerehuni mɨpaɨ kaniutayɨni: ―Xɨka tati'aitɨwame, tahamatɨa 'uyeikani, ¿titayari kuta mɨyatatiyuriene? ¿Hakewatamɨ tapaapama kememɨtatekuxaxatɨwakai mariwemekɨ kemɨtiuyuri: “'Ekipitu Yawé katanayewitɨni”? Yawé katanexɨrieni, kataniyetuani mariyanitsixi wahetsɨa.

Kerehuni mɨpaɨta kaniutayɨni: ―Perutsɨ neti'aitɨwame, ¿'ixaheritsixi kenetiwawikweitsitɨani? Taxiɨyari mɨkatɨrɨkaɨye pɨhɨkɨ Manatsexi hetsiemieme, meta 'iwamarixi ketemɨtapaɨme ne nemɨkaxeiyarie nepɨhɨkɨ.

Niuki tuayame Yawé hetsɨa mieme kaninuani, xiu hetɨa kaniutayerɨni 'Upɨra muwekaitɨa, Kuhatsi kwieyatsie, 'Awietsexi xiɨyarieya. Kuhatsi nu'aya Kerehuni tɨriku kanikatsenekaitɨni kaxie matiketsinarɨwatsie yu'awietatɨ, 'iti'utake mariyanitsixi me'ikuxɨnikɨ.

Hikɨ mana Kerehuni mawari taiyame kaniutawewieni Yawé hetsiemieme, mɨpaɨ katiniterɨwa «Yawé kayuwatɨ mɨtiyupitɨwa», hikɨ mɨkɨ 'akuxi kaneyuhekɨaka 'Upɨra 'Awietsexi kwieyaritsie.

Kerehuni mɨpaɨ kaniutayɨni: ―Xɨka 'aixɨa penetimaika, 'inɨari mariweme ketineuyuri kename 'aku 'ekɨ peyɨane nehamatɨa pemɨtikuxata.

Peru Yawé mɨpaɨ katinitahɨawe: ―Kayuwatɨ mana keneuyeikani, pepɨkamaka. Pepɨkamɨni.

'Ixaheritsixi 'axamekateniuyurieni Yawé kemɨkatinake, mɨkɨ kaniwayetuani mariyanitsixi wahetsɨa 'atahuta wiyari.