'Ateewa kiekatari Yawé hetsɨa memu'axɨa
memɨte'i'uximayatsiriekakɨ,
Yawé memɨnaki'eriekakɨ,
meta memeyexeiyanikɨ,
yunaitɨ mɨkɨ 'uxipiya tukari mema'eriwa kapatsiekame meka'ayeitɨatɨ,
meta netɨratutsie yamemɨtekahu,
nehɨri mɨpatsietsie nekaniwaranutiwitɨmɨkɨ,
nenenewieri kiiyarita temawierika waɨkawa nepɨwapitɨani.
Nepitanaki'erieni mawari taiyariyari meta hipame mawarite
memitimawani nemawari taiyametsie,
nekiitsɨ mɨpaɨ katinitewakamɨkɨ
nenewieri kiyari yunaitɨ teɨteri wahetsiemieme».
