Popular Bible Verses from Memeyekɨ 15

Share

Mɨpaɨ katiniwarutahɨawe: «Netsɨ Yawé xekakaɨyari nekanihɨkɨtɨni. Xɨka neniuki xe'enietɨ yaxetekahuni heitseriemekɨ, xɨka 'inɨari niukiyaritsie yaxetekahuni kemɨreuyewetse meta ne'aitsikatsie, ne hatsuaku kwiniya nepɨkahanɨ'ani xehetsie, 'ekipitutsie kenemɨtiuyuri. Netsɨ Yawé nekanihɨkɨtɨni, hatsuaku kwiniya xehetsie pɨkatinake».

Yawé pɨnetɨrɨkariya meta pɨnekwikari, mɨkɨ pɨnetsiwikweitsitɨwame. Mɨkɨ pɨnekakaɨyari, nepinɨawani, mɨkɨ nepaapa Kakaɨyarieya pɨhɨkɨ, 'ayumieme 'aixɨa nepaineni hetsiena mieme.

Yawé, xewitɨ pumawe kakaɨyarixi watsata 'ahepaɨ 'anetɨ. Xewitɨ pumawe 'ahepaɨ timariwetɨ meta 'ahepaɨ tipatsietɨ. 'Ekɨ, mariweme pemɨtiyuriwe, 'ekɨ yemekɨ pepɨtatsihɨxiyatsitɨa 'atɨrɨkariyakɨ.

Waɨkawamekɨ pewanaki'erietɨ pepɨwaruwitɨxime 'ateɨterima pemɨwarutawikweitsitɨa, 'atɨrɨkariyakɨ pepɨwaruwitɨxime 'akiekari makupatsie.

Hikɨ mekaniuta'axɨani Maraha mɨrakutewatsie, mana mɨpaɨ katinakutewakaitɨni mana haa hatsiwitɨ muxuawekaikɨ, mana mepɨkatenewiekairi meheuharikutɨ. Merikɨte mɨkɨ mekaniutiniukixietɨkɨne Muitsexi hepaɨtsita, mɨpaɨ mete'iku'iwawiyatɨ: «¿Ketita tetetihareni?» Muitsexi Yawé kaniutawawirieni, mɨkɨ pixeitsitɨa kɨye yatewime, mɨkɨ Muitsexi hapa kaneikahɨani, yapauka haa 'aixɨa ha'anetɨ kanayani. Mana Yawé kaniwaruta'inɨata, kaniwarupitɨani 'inɨari niukiyari kememɨtekahuni.