Popular Bible Verses from ROMANOS 4

Share

Gwzoteze' benḻilaže'e Diozən' na' bito goquə šeɉlaže'e c̱he lyebe de'en ben Diozən' len ḻe', sino que gwzoe' c̱hec̱h benḻilaže'ene' na' be'elaogüe'ene'. Abraanṉə' gwṉezene' de que Diozən' guac gone' ca de'en bene' lyeben'.

Can' nyoɉczə de'en gwna Diozən': “Banzoa' le' gaco' x̱axtao' beṉə' ša' ṉasyon zan.” Na' Diozən' nape' yeḻə' guac par yosbane' beṉə' guat ca' na' Diozən' chone' par nic̱h chac bitə'ətezən' ne'enə'. De'e na'anə' cho'e dižə' c̱he beṉə' ze'e za'ac ca chio'o beṉac̱h cho'echo dižə' c̱he beṉə' banitə'.

Ḻeczə nyoɉən par chio'o, la' ḻeczə de'en chonḻilažə'əcho Diozən' nchoglaon c̱hecho de que naccho beṉə' güen laogüe'enə'. Diozən' bseḻe'e X̱ancho Jeso'osən' par gwso'ot beṉə' ḻe' na' boḻis bosbane'ene' ladɉo beṉə' guat ca'. Goc ca' len Jeso'osən' par nic̱h gwdixɉue' xtoḻə'əchon' na' par nic̱h Diozən' ne' c̱he chio'o chonḻilažə'əchone' de que naccho beṉə' güen laogüe'enə'.

Bito gwṉeze Abraanṉə' nacxa gaquən' gaquə can' gwna Diozən'. Pero gwyeɉḻe'e c̱he Diozən' na' gwzoe' lez de que Diozən' goncze' ḻe' x̱axtao' beṉə' ša' ṉasyon zan. Con gwyeɉḻe'e de que gaquə can' gož Diozən' ḻe': “Beṉə' zan əsa'ac xi'iṉ dia c̱hio'.”

Ca' chaquən', chio'o chonḻilažə'əcho Diozən' ṉabi'acho yežlyon'. Tant nži'ilažə' Diozən' chio'o chone' ca ṉabi'achon par nic̱h gaquə can' bene' lyebe len yoguə' chio'o chone' cuent ca xi'iṉ dia c̱he de'e Abraanṉə'. Caguə gaquə ca' len beṉə' ca' zɉəsə'ənao ḻei na'azən' sino ḻeczə len notə'ətezə beṉə' chso'onḻilažə' Diozən' can' benḻilažə' de'e Abraanṉə' ḻe', la' lao Diozən' de'e Abraanṉə' naque' x̱axtao' yoguə' chio'o chonḻilažə'əcho Diozən'.

De'e Dabin' gwne': Mba zocho šə babezi'ixen Diozən' c̱hecho c̱he de'e malən' bencho. Mba zocho šə babṉitlaogüe' xtoḻə'əchon'. Mba zocho šə chc̱hoglao Diozən' c̱hecho de que caguə bi xtoḻə'əcho denə'.

Ḻe'e Xtižə' Diozən' de'en nyoɉən nan: “Abraanṉə' benḻilaže'e Diozən' na' de'e nan' gwc̱hoglaon c̱he' de que naque' beṉə' güen lao Diozən'.”