Popular Bible Verses from APOCALIPSIS 4

Share

X̱anto' Dioz, len' beno' beṉac̱h, angl, bia ca' ža', na' biquə'əchlə de'en zɉəde, c̱hedə' can' gwyazlažo'o na' c̱hedə' go'ondo' nitə' beṉac̱h, angl, bia ca' ža' na' biquə'əchlə de'en zɉəde. De'e na'anə' zaquə'əczo' par chnabi'o, par si'o yeḻə' bala'aṉ, na' par əyeɉlaogo'o.

Na' to to bia ca' tap žia x̱op güeɉə x̱ilə'əga'aquəb, na' doxen cuerp c̱hega'aquəbən' žia de'e zan ɉelaoga'aquəb ḻo'olə na' fuerlə. Na' do ža do yel bito chəsə'əbezəb, yapəyoe chəsə'ənab: Ḻechguaḻe beṉə' la'aždao' xi'ilažə' juisy naquə X̱ancho Diozən' ben' napə ḻe'ezelaogüe yeḻə' guac xen. Bazocze' catə'ən bx̱i'e yežlyon', na' ca'aczən' soe' catə'ən yeyož yedon.

Beyož bzoɉa' de'e ca' gwne' nada', bgüia' na' ble'ida' nyalɉo to puert yoban' na' benda' cho'elen ben' nada' dižə', ben' benda' de'e nechən' ben' naquə xṉe c̱he'enə' zižɉochgua ca zižɉon' chbež trompet. Ḻecze'en gwṉechcze' nada' de'e yoblə, gwne': —Gwyep gan' zoa' nga par nic̱h gwzeɉni'ida' le' de'e ca' ze'e gaquə.