Popular Bible Verses from 1 TESALONICENSES 4

Share

Na' te na' chio'o chonḻilažə'əchone' šə ṉe'e mbancho yežlyo nga, gon Diozən' par nic̱h txen len ḻega'aque' šepcho ḻe'e yobanə' to ḻo'o beɉw na' yežaglaocho X̱ancho Jeso'osən' ḻe'e yobanə'. Nach žɉəyezocho len ḻe' zeɉḻicaṉe.

Na' ca naquə X̱ancho Jeso'osən', cuine'en yetɉe' ḻe'e yoban', na' əṉe' zižɉo gone' mendad yesyə'əban beṉə' guat ca', na' to angl əblaonə' əṉe', na' yenecho cuež trompet c̱he Diozən'. Nach beṉə' ca' bagwsa'at beṉə' ca' gwso'onḻilažə' Cristən' ḻega'acteque' yesyə'əbane' ladɉo beṉə' guat ca'.

Diozən' chene'ene' sotezə socho gaccho beṉə' la'aždao' xi'ilažə'. Na' bito chene'ene' cueɉyic̱hɉcho no'ol c̱hecho o be'en c̱hecho par solencho beṉə' yoblə, na' bito chene'ene' əgwža' xtocho. Na' ḻeczə chene'ene' əṉeze totole naquən' cheyaḻə' c̱hilɉle xo'ollen' sin cui gaple doḻə' na' sin cui no əṉa de que chonḻe de'e mal.

Ṉezecho gwso'ot beṉə' Jeso'osən' na' bebane' ladɉo beṉə' guat ca'. Ḻe'egatezə ca' ṉezecho de que Diozən' gone' par nic̱h yidə Jeso'osən' de'e yoblə na' nc̱he'e beṉə' ca' bagwsa'at con beṉə' gwso'onḻilažə' ḻe'.

To tole ḻe'e yeyilɉlažə' naclən' gonḻe žin par nic̱h sole binḻo len xbab de'en yo'o ḻo'o yic̱hɉla'ažda'olen' na' bito con ggüiale bi chso'on beṉə' yoblə. Na' gonḻe bitə'əzə žin yix̱ə' o žin de'e de yo'o can' bento' mendad.

Diozən' gwleɉe' chio'o par gaccho beṉə' la'aždao' xi'ilažə', caguə par co'o xtocho o goncho bichlə de'e mal ca' zɉənac ca'.