Popular Bible Verses from Mareka 6

Share

Kabakala buñata bwa batu ba ba ne ba taha ni ku kuta, Jesu ni balutiwa ba hae ne ba tokwa nihaili nako ya ku ca lico. Cwale Jesu a ba bulelela, a li, “A lu yeñi kwa mukunda, ko ku si na batu. Mu y'o ikatulusa hanyinyani.”

Jesu kih'a li ku bona, “Mupolofita u kutekiwa kai ni kai, konji mwa munzi wa habo, ni mwa lusika lwa habo, ni mwa lapa la habo.”

Jesu ha s'a longokile, a bona batu ba bañata. A ba shwela makeke kakuli ne ba swana inge lingu ze si na mulisana. Kih'a kala ku ba luta lika ze ñata.

Mo, h'a si ka kona ku eza makazo, haisi ku folisa ba sikai feela ka ku ba beya mazoho. Mi a komoka ku sa lumela kwa bona. Jesu kih'a potela minzi ye mwa silalo se, a nz'a luta batu.

Cwale Jesu a nga mahobe a ketalizoho ni litapi ze peli, a talima kwahalimu, mi a itumela ku Mulimu. Kih'a komauna mahobe, mi a fa balutiwa ba hae kuli ba a abele batu. A eza cwalo ni kwa litapi ze peli. A ba abela zona kaufel'a bona. Mutu ni mutu a ca mi a kula. Cwale balutiwa ba taza lizuma ze lishumi ka ze peli za bungululwa bo bu ne bu siyezi fa mahobe ni litapi.