Popular Bible Verses from Mateu 7

Share

“Mu kupe, mi mu ta fiwa. Mu bate, mi mu ta fumana. Mu ngongote, mi mu ta kwalulelwa.

Kakuli mutu kaufela ya kupa wa fiwa, ya bata wa fumana, mi ya ngongota wa kwalulelwa.

“Cwalehe, mutu kaufela ya utwa manzwi a ka, mi a' mamela, u swana ni mutu ya butali ya yahile ndu ya hae fa licwe.

“Mu ezeze ba bañwi ze mu bata kuli ba mi ezeze zona, kakuli ki sona se si laelwa mwa Mulao wa Mushe ni Bapolofita.

Kono munyako o isa kwa bupilo u kumbani, ni mukwakwa o liba kwateñi u tata, mi ki ba sikai feela ba ba u fumana.

“Mu kene ka munyako o kumbani, kakuli munyako o liba kwa lifu u atami, ni mukwakwa o liba kwateñi u bunolo, mi ba ba zamaya ku ona ki ba bañata.

Mbali mina, niha mu li ba ba maswe, mu ziba ku fa bana ba mina lika ze nde, cwale Ndat'a mina ya kwa lihalimu bo! Kihona kuli u ta fa ze nde hahulu ni ku fita ku ba ba mu kupa.

“Mu si ke mwa atula ba bañwi, ili kuli Mulimu a si ke a mi atula ni mina. Mulimu u ka mi atula ka mukwa o mu atula ba bañwi ka ona, mi u ka mi eza mo mu ezeza ba bañwi.

“Kono mutu kaufela ya utwa manzwi a ka, mi a sa a mameli, u swana ni mutu wa sikuba ya yahile ndu ya hae fa lishabati.

Kikabakalañi, ha u talima kacwañi ka ka mwa liito la mwanahenu, kono u palelwa ku lemuha musumo o mwa liito la hao? U ka bulelela cwañi mwanahenu kuli, ‘Tuhela, ni ku zwise kacwañi ka ka mwa liito la hao,’ wena u nz'o na ni musumo ku la hao?

“Mu tokomele bapolofita ba buhata. Ba bonahala sina lingu ha ba taha ku mina, kono mwahali ki maakanyani a pamula. Mu ka ba ziba ka likezo ze ba eza. Mukakani ha u beyi miselo ya veine, mi mukona ha u beyi lifeiga.

Kota ye nde i beya miselo ye minde, mi kota ye maswe i beya miselo ye maswe.

Kota ye nde ha i koni ku beya miselo ye maswe, mi kota ye maswe ha i koni ku beya miselo ye minde.

Kota kaufela ye sa beyi miselo ye minde ya lemiwa ni ku nepelwa mwa mulilo.