Popular Bible Verses from Mateu 18

Share

Kakuli batu ba babeli kamba ba balalu ha ba kopana ka libizo la ka, ni na, ni teñi mwahal'a bona.’ ”

“Hape ni ekeza ku mi bulelela, ni li, ‘Haiba ba babeli ku mina ba utwana fafasi ku lapelela nto ye ñwi, Ndate ya kwa lihalimu u ka ba fa yona.

Jesu a biza mwanana, a mu yemisa fapil'a bona. A li, “Luli na mi bulelela kuli konji ha mu ka fetuha, mwa ba sina banana, ha mu na ku kena mwa Mubuso wa Lihalimu.

Yo muhulu ku fita ba bañwi mwa Mubuso wa Lihalimu ki ya ikokobeza mi a swana sina mwanana yo.

Mi mutu ya amuhela mwanana ya swana sina yo, ka libizo la ka, u amuhela na kasibili.

“Luli na mi bulelela, ni li, ‘Ze mu ka hana fafasi, li ta haniwa ni kwa lihalimu, mi ze mu ta lumelela fafasi, li ta lumelelwa ni kwa lihalimu.’

Mi Jesu a ekeza, a li, “Ndate ya kwa lihalimu u ta mi eza cwalo haiba mu sa swaleli banabahabo mina, yo muñwi ni yo muñwi ka pilu ya hae kaufela.”

“Haili ya ka sitatalisa yo muñwi wa ba banyinyani ba, ba ba lumela ku na, i ne i ka ba hande ha n'a ka tamelelwa licwe le lituna mwa mulala, mi a nepelwe mwa buliba bwa liwate.

“Mina mu hupula cwañi? Mutu ya na ni lingu ze mwanda u ka eza cwañi haiba ye ñwi ku zona ya lateha? U ta siya ze mwanda ha ku zwiswa i liñwi li nze li fula kwatas'a lilundu ku y'o bata ngu ye latehile yeo.