Popular Bible Verses from Mateu 13

Share

Kono ba teñi ba ba swana ni mubu o munde. Bao ba utwa linzwi, ba li amuhela ka kutwisiso mi ba beya miselo. Ba bañwi ba beya mwanda, ba bañwi mashumi a silezi, ni ba bañwi mashumi a malalu.”

Ba bañwi ba swana ni mubu mo ku na ni mikakani. Ba utwa linzwi, kono maswenyeho a bupilo ni ku yembululwa ki bufumu za kena ku t'o pukutisa linzwi, mi la palelwa ku beya miselo.

Ba ba utwa linzwi la Mubuso kono ba sa li utwisisi, ba swana ni nzila mo ku wezi peu. Ya Maswe wa taha, mi u ba amuha se ne si calilwe mwa lipilu za bona.

Ba bañwi ba swana ni mubu o kopani ni macwe mo ku wezi peu. Ba utwa linzwi, mi ba pakisa ku li amuhela ka tabo. Kono ba li tokwisa sibaka sa ku tiya hande mwa lipilu za bona. Cwale ha ku taha matomola kamba manyando kabakala linzwi la Mulimu, ba tuhela kapili.

“Mubuso wa Lihalimu u swana ni bufumu bo bu patilwe mwa simu. Mutu a bu fumana, mi a bu pata hape. Ka ku taba hahulu a ya, a y'o lekisa z'a na ni zona kaufela, mi a kuta a t'o leka simu yeo.

Kono peu ye ñwi ya wela mwa mubu o munde, mi ya beya lico. Ye ñwi ya beya mwanda, ye ñwi mashumi a silezi, ni ye ñwi mashumi a malalu.”

Mu li tuhele li hule, bubeli bwa zona cwalo, ku fitela nako ya kutulo, mi ka nako yeo ni ka li kwa bakutuli, ‘Mu kumule mufuka pili, mu u tame mañata, u ciswe. Buloto bona mu bu kubukanye, mu bu beye mwa sishete sa ka.’ ”